Второй антифон

Хвали, душе моя, Господа. Восхвалю Господа в животе моем, Пою Богу моему, дондеже есмь. Не надейтеся на князи и на сыны Человеческия, В них же несть спасения. Изыдет дух его, и возвратится в землю Свою: в той день погибнут вся помышления Его. Блажен, имущий Бога Иаковль помощник Его, упование его на Господа Бога своего. Сотворшаго небо и землю, море и Вся, яже в них, хранящаго Истину в век, творящаго суд обидимым, Дающаго пищу алчущим. Господь решит окованныя, Господь Умудряет слепцы, Господь Возводит низверженныя, Господь любит праведники. Господь хранит пришельцы, сира и Вдову приимет и путь Грешных погубит. Воцарится Господь Вовек, Бог твой Сионе, в Род и Род.