Псалом 30

На Тя, Господи, уповах, да не постыжуся Во век; правдою Твоею избави мя И изми мя, Приклони ко мне ухо Твое, ускори изъяти мя, Буди ми в Бога в Защитителя и в дом прибежища, еже спасти Мя. Яко держава моя и прибежище мое еси Ты: Имени Твоего ради наставиши мя и Препитаеши мя. Изведеши мя в сети сея, юже скрыша ми, Яко Ты еси защититель мой, Господи. В руце Твои предложу дух мой: избавил мя еси, Господи, Боже истины. Возненавидел еси хранящия суеты вотще, Аз же на Господа уповах, Возрадуюся и возвеселюся о милости Твоей. Яко призрел еси на смирение мое, Спасл еси от нужд душу мою И не еси мене затворил в руках вражиих: Поставил еси на пространне нозе Мои. Помилуй мя, Господи, яко скорблю: Смятеся яростию око мое, душа моя и Утроба моя. Яко изчезе болезни живот мой и лета моя в Воздыханиих, Изнеможе нищетою крепость моя, И кости моя смятошася. От всех враг моих бых поношение и соседом моим Зело, И страх знаемым моим: видящи мя, Вон бежаша от мене. Забвен бых, яко мертв, от сердца бых, Яко сосуд погублен, Яко слышах гаждение многих живущих Окрест, внегда собратися им Вкупе, на мя прияти душу мою Совещаша. Аз же на Тя, Господи, уповах, рех: Ты еси Бог мой. В руку Твоею жребий мой: избави мя из руки Враг моих и от гонящих мя. Просвети лице Твое на раба Твоего, Спаси мя милостию Твоею. Господи! Да не постыжуся, яко призвах Тя; Да постыдятся нечестивии и снидут в Ад. Немы да будут устны льстивыя, Глаголющия на праведнаго беззаконие гордынею и Уничижением. Коль много множество благости Твоея, Господи, юже скрыл еси боящимся Тебе, Соделал еси уповающим на Тя пред сыны Человеческими. Скрыеши их в тайне лица Твоего от мятежа Человеческа, Покрыеши их в крови от пререкания Язык. Благословен Господь, яко удиви милость Свою во граде Ограждения. Аз же рех во исступлении моем: Отвержен есмь от лица очию Твоею. Сего ради услышал еси глас молитвы моея, Внегда воззвах к Тебе. Возлюбите Господа, вси преподобнии Его, Яко истины взыскает Господь И воздает излишше творящим гордыню. Мужайтеся, и да крепится сердце ваше, Вси уповающии на Господа.