Псалом 135

Исповедайтеся Господеви, Яко благ, яко в век милость Его. Исповедайтеся Богу Богов, Яко в век милость Его. Исповедайтеся Господеви Господей, Яко в век милость Его. Сотворшему чудеса велия Единому, Яко в век милость Его. Сотворшему небеса Разумом, Яко в век милость Его. Утвердившему землю на Водах, Яко в век милость Его. Сотворшему светила велия Единому, Яко в век милость Его. Солнце в Область дне, Яко в век милость Его. Луну и звезды в область Нощи, Яко в век милость Его. Поразившему Египта Первенцы его, Яко в век милость Его. Изведшему Израиля от среды Их, Яко в век милость Его. Рукою крепкою и мышцею Высокою, Яко в век милость Его. Раздельшему Чермное море в Разделения, Яко в век милость Его. И проведшему Израиля посреде Его, яко в век Милость Его. И истязавшему фараона и силу Его в море Чермное, Яко в век милость Его. Проведшему люди Своя в Пустыни, Яко в век милость Его. Поразившему цари Велия, Яко в век милость Его. И убившему цари Крепкия, Яко в век милость Его. Сиона, царя Морейска, Яко в век милость Его. И Ога, царя Васанска, Яко в век милость Его. И давшему землю их Достояние, Яко в век милость Его. В достояние Израилю, Рабу Своему, Яко в век милость Его. Яко во смирении нашем помянул Ны Господь, Яко в век милость Его. И избавил ны есть от врагов Наших, Яко в век милость Его. Даяй пищу всякой Плоти, Яко в век милость Его. Исповедайтеся Богу Небесному, Яко в век милость Его.