Псалом 98

Господь воцарися, да гневаются Людие, Седяй на херувимех, да подвижется земля. Господь Сионе велик и высок есть над всеми Людьми. Да исповедятся имени Твоему великому, Яко страшно и свято есть. И честь царева суд любит. Ты уготовал еси правоты, Суд и правду во Иакове Ты сотворил еси. Возносите Господа Бога нашего И поклоняйтеся подножию ногу Его, Яко свято есть. Моисей и Аарон, и Иерей его, и Самуил в Призывающих имя Его, Призываху Господа, и Той послушаше их. В столпе облачне глаголаше к ним, Яко храняху свидения Его И повеления Его, яже даде им. Господи Боже наш! Ты послушал еси их. Боже, Ты милостив бывал еси им, Мщая на вся начинания их. Возносите Господа Бога нашего и поклоняйтеся в горе Святе Его, Яко свят Господь Бог Наш.