Псалом 111

Блажен муж, бояйся Господа. В заповедях Его восхощет зело. Сильно на земли будет семя его, Род правых благословится. Слава и богатство в дому его, И правда его пребывает в век века. Возсия во тьме свет правым, Милостив и щедр и праведен. Благ муж, щедря и дая, Устроит словеса своя на суде, яко в век не Подвижится. В память вечную будет праведник, От слуха зла не убоится. Готово сердце его уповати на Господа. Утвердится сердце его, не убоится, Дондеже воззрит на враги своя. Расточи, даде убогим. Правда его пребывает во век века. Рог его вознесется в славе. Грешник узрит и прогневается, Зубы своими поскрежещет и Растает. Желание грешника Погибнет.