Псалом 117

Исповедайтеся Господеви, яко благ, Яко в век милость Его. Да речет убо дом Израилев: Яко благ, яко в век милость Его. Да речет убо дом Аарон: яко благ, Яко в век милость Его. Да рекут убо вси боящиися Господа: Яко благ, яко в век милость Его. От скорби призвах Господа и услыша мя в Пространство. Господь мне помощник, и не убоюся: Что сотворит мне человек? Господь мне помощник, и аз воззрю на враги Моя. Благо есть надеятися на Господа, Нежели надеятися на Человека. Благо есть уповати на Господа, Нежели уповати на князи. Вси языцы обыдоша мя; именем Господним противляхся Им. Обышедше, обыдоша мя; Именем Господним противляхся им. Обыдоша мя, яко пчелы соты, разгорешася, Яко огнь в тернии; Именем Господним Противляхся им. Отринувен превратихся пасти, и Господь Прият мя. Крепость моя и пение мое Господь, И бысть ми во спасение. Глас радости и спасения в селениих праведных: Десница Господня сотвори силу! Десница Господня вознесе мя, десница Господня сотвори Силу! Не умру, но жив буду и повем дела Господня. Наказуя наказа мя Господь, смерти же не Предаде мя. Отверзите мне врата правды: Вшед в ня, исповемся Господеви. Сия врата Господня: праведнии Внидут в ня. Исповемся Тебе, яко услышал мя еси и был Еси мне во спасение. Камень, eгоже небрегоша зиждущии сей, Бысть во главу угла. От Господа бысть сей и есть дивен в Очих всех наших. Сей день, eгоже сотвори Господь: Возрадуемся и возвеселимся Вонь. О Господи, спаси же! О Господи, поспеши же! Благословен грядый во имя Господне: Благословихом вы из дому Господня. Бог Господь явися нам: Составите праздник во учащающих дорог Олтаревых. Бог мой еси Ты: исповемся Тебе. Бог мой еси Ты: вознесу Тя. Исповемся Тебе, яко услышал мя еси и был Еси мне во спасение. Исповедайтеся Господеви, Яко благ, Яко в век милость Его.