Музыка фоном для красивых слов

О Державная Владычице, Пресвятая Богородице, на объятиях Своих Держащая Содержащаго всю вселенную! Благодарим Тя за неизреченное милосердие Твое, яко благоволила еси явити Нам сию святую икону Твою, яко Солнце светлое, увеселяеши изнемогшия Чеса наша. О Преблагословенная Матерь Божия, Державная Помощнице, крепкая Заступнице, со страхом и трепетом Припадаем, со умилением и сокрушением Сердечным молим Тя: вкорени в сердцах всех нас Правду, мир и радость, водвори в стране Нашей тишину и благоденствие. Любовь друг ко другу нелицемерную Даруй нам, державою Твоею Всесильною поддержи нас. Слабых, малодушных, немощных и Унылых подкрепи и возстави ны, Владычице, яко да под державою Твоею всегда храними будем, Поем, величаем и славим Тя, Державную Заступницу рода Христианскаго Во веки веков. Аминь.