Паремии

Премудрость. Исхода чтение. Пон ме. Глагола Господь к Моисею в день он, Воньже изведе сыны Израилевы от земли Египетския, Глаголяй: "Освяти Мне всякаго первенца перворожденнаго, Разверзающаго ложесна в сынех Израилевых". И иде Моисей, и собрався люди, И рече: "Помните день сей, воньже изыдосте от земли Египетския из дому работы. Рукою бо крепкою Господь изведе нас оттуду. И сохраните закон Его. И будет, яко аще введет вас Бог в землю Хананейску, имже образом клятся отцем Твоим, и отлучиши всякаго первороднаго, Разверзающаго ложесна, мужеск пол Господу. И будет, яко аще вопросит тя по сих сын Твой, глаголя: что сие? И речеши ему: яко рукою крепкою изведе Нас Господь от земли Египетския из дому работы. Егда бо ожесточи фараона не отпустити нас, Уби Господь вся первородныя в земли Египетстей, От первородных человеческих даже до первородных Скотских. Сего ради аз жертву Господу приношу всякаго Отверзающаго ложесна мужеска полу, И всякаго первороднаго сынов моих избавлю. И будет в знамение непоколебимо пред очима твоима, Яко тако рече Господь Бог Вседержитель, Яко перворожденныя сынов твоих даси Мне. И будет всяк, иже аще родит отроча мужеск пол, В день осмый обрежете ему плоть крайнюю его. И тридесят и три дни не внидет во святилище Божие ко священнику, дондеже исполнятся дние Очищения. И по сих принесеши Господу агня единолетно Непорочно во всесожжение, И птенца голубина или горличечна при дверех Скинии свидения ко святителю. Или вместо сих принесеши пред Господем два птенца Голубина или два горличеща, и Помолится о нем священник, Яко воздаяние воздающии сии Мне суть от Всех сынов Израилевых, и приях их, И освятих я Мне вместо первородных Египетских. В оньже день поразих всякаго первенца земли Египетстей от человека до скота", Рече Бог Вышний, Святый Израилев. Премудрость. Пророчества Исаии на чтение. Пон ме. Бысть в лето, в неже умре Уззия царь. Видех Господа седяща на престоле высоце и Превознесенне, И исполнь дом славы Его, И серафими стояху окрест Его, шесть крил Единому и шесть крил другому. И двема убо покрываху лица своя, Двема же покрываху ноги своя и двема Летаху. И взываху друг ко другу и глаголаху: "Свят, свят, свят Господь Саваоф, Исполнь вся земля славы Его". И вязатся наддверие от гласа, имже вопияху, И дом исполнися дыма. И рех: "О, окаянный аз! Яко умилихся, яко человек сый и Нечисты устне имея, посреде людей Нечистыя устна имущих аз живу, И Царя Господа Саваофа видех очима моима". И послан бысть ко мне един от серафимов, В руце своей имяше угль огненный, Егоже клещами взят от жертвенника, И прикоснуся устом моим и рече: "Се прикоснуся сие устнам твоим, И отъимет беззакония твоя, и грехи твоя Очистит". И слышах глас Господа, глаголющего: Кого пошлю? Кто пойдет к людям сим? И рекох: се, аз есмь, посли мя. И рече: Иди и рцы людям сим: слухом Услышите и не уразумеете, и видяще Узрите и не увидите. Отебеле бо сердце людей сих и ушима Своима тяжко слышаша, и очи своя Смежиша, да никако увидят очима и Ушима услышат, и сердцем уразумеют, И обратятся, и исцелю я. И рекох: доколе, Господи? И рече: Дондеже аще запустеют гради, от еже Не пожити, И доми, от еже не быти человеком, И земля оставлена будет пуста. И по сих продолжит Бог человеки И умножатся оставльшияся на земли. Премудрость. Пророчества Исаиина чтение. Понме. Се, Господь сидит на облаце легце, И приидет во Египет, и сотрясутся Рукотворенная Египетская от лица Его, И сердце их умалится в них, и смятется Дух их в них, и совет их разорит. И предаст Египта в руки Господей, Зане сия глаголет Господь Владыка Святый Саваоф. Пьют Египтяне воду, яже при мори, Река же оскудеет и изсхнет. Сия глаголет Господь: где суть ныне Премудрии твои, да возвестят ти и да Рекут тебе, что совеща Господь Саваоф на Египта. В день он будут Египтяне в страсе и трепете От лица руки Господа Саваофа, Юже Он возложит на них. И будет алтарь Господень в стране Египетстей И столп в пределех Его Господеви, И будут в знамение во веки Господу Саваофу в Стране Египетстей, Яко воззовут ко Господу, и послет им Господь Человека, иже спасет их. И ведом будет Господь Египтяном, И познают Египтяне Господа в день он, И сотворят жертву и дар, и помолятся, И воздадят обеты своя Господеви.