Песнь 1, 3

Лице Израильтести Невлажными Стопами, Полчермный И влажную глубину Прогнавше Всадники триста ты, Враги, видяще в ней Погружены, С веселием пояху: Поим Богу Нашему, яко Прославися. Слава Тебе, Боже наш, слава Тебе. Глаголы животные другом Христос и о божественном Наказуя царстве, рече: во Мне Отца познаете Светом, яко облистая и неприступным. В радости поюще: поим Богу нашему, Яко прославися. Слава Тебе, Боже наш, слава Тебе. Силою язык облечетеся, друзи ученицы, Чудни же будете в богатстве их, Яко славы наполнитеся. Яко явлюся светлее солнца, блистая в радости поющих: Поим Богу нашему, яко прославися. Слава Тебе, Боже наш, слава Тебе. Днесь Христос на горе Фаворстей, Просияв ясно божественною зарею, Якоже обещася, учеником обнажи зрак, Светоносныя же наполнишася божественныя зари, В радости пояху: поим Богу нашему, Яко прославися. Воду прошед яко Сушу и Египетскаго зла Избежав, Израильтянин Вопияше: Избавителю и Богу Нашему поим. Слава Тебе, Боже наш, слава Тебе. Моисей на море пророчески видев облаком и столпом Древле огненным славу Господню, Вопияше: Избавителю и Богу нашему поим. Слава Отцу и Сыну и Святому Духу. Яко каменем телом покрывся, обожением Невидимого зря, Моисей боговидет, Взываше: Избавителю и Богу нашему поим. И ныне, присно, и во веки веков. Аминь. Ты на горе законней и на Фаворсте виден Был еси Моисеем во мраце древле, Во свете же ныне неприступнем Божества. Лук сильных Изнеможе, И немощствующии Препоясашася Силою. Сего ради Утвердися В Господе сердце Мое. Слава Тебе, Боже наш, слава Тебе. Во всего Адама облекся Христе, Очерневшее изменив, просветил еси древле естество И изменением зрака своего богосоделал еси. Слава Тебе, Боже наш, слава Тебе. Столпом огнезрачным и облаком древле, Иже в пустыни Израиля веды, днесь на горе Фаворстей Неизреченно во свете Христос просия. Небеснаго круга Верхотворче Господи И Церкве Зиждителю, Ты мене утверди в Любви Твоей, Желаний краю, Верных утверждение, Едине Человеколюбче. Слава Тебе, Боже наш, слава Тебе. Осеняющая слава в сени первее и Моисееви Беседующи Твоему угоднику образ бысть Облиставшаго неизреченно на Фаворе, Владыко, Твоего Преображения. Слава Отцу и Сыну и Святому Духу. Совзыдоша Ти, Слове Единородный, Вышнии апостольсти верси на гору Фаворскую И сопредсташа Ти Моисей же и Илия, Яко Божия слуги, едине Человеколюбче. И ныне, и присно, и во веки веков. Аминь. Бог Слово сый, весь землин бысть, Всему Божеству смесив человечество во ипостаси Своей, Юже во двою существу Моисей и Илия же видеша На горе Фаворе. Жезло Образ тайный Приемлет сам, Прозябением бо Предрассуждает Священника. Неплодящей же прежде Церкви Ныне процвете Древо Креста В державу и Утверждение.