Песнь 7, 8

Авраамсти иногда В Вавилоне отроцы Печный пламень попраша, Песньми взывающе: Отец наших Боже, Благословен еси. Слава тебе, Боже наш, слава Тебе! Облиставшийся светом неприступныя славы на Фаворстей Горе апостоли Христу вопияху: отец наших Боже, Благословен еси. Слава тебе, Боже наш, слава Тебе! Сиянием божественного шума и росодательным облаком, Христе, и зарею Твоею наслаждаеми, Апостоли пояху: отец наших Боже, Благословен еси. Слава тебе, Боже наш, слава Тебе! В неприступном свете яко виде Тя Петр на Фаворстей Горе облиставша, Христе, возопи: Отец наших Боже, благословен еси. Слава тебе, Боже наш, слава Тебе! С начальником жизни Христом суще, Дети Зеведеевы, яко испусти зрака свет, Возгремеша: Отец наших Боже, благословен еси. Отроцы Еврейстии в пещи Попраша Пламень дерзновенно И на росу Угли преложиша, Вопиюще: Благословен еси, Господи Боже, во Веки. Слава тебе, Боже наш, слава Тебе! Ныне видена быша апостолом невидимая Божества во Плоти на горе Фаворстей облиставшаго, Вопиющим: благословен еси, Господи Боже, Во веки. Слава тебе, Боже наш, Слава Тебе! Ужасошася страхом, удившеся благолепию божественного Царства на горе Фаворстей апостоли, Вопиюще: благословен еси, Господи Боже, Во веки. Слава Отцу и Сыну и Святому Духу. Ныне неуслышанное услышано быша: Без Отца бо Сын от Девы Отеческим гласом славно Свидетельствуется, яко Бог и человек Той же во Веки. И ныне, присно, и во веки веков, Аминь. Положением не был еси Вышняго, Существом же Сын возлюблен прежде сый, Нам приближился еси непреложно, Благословен еси, Господи Боже, Во веки. В Вавилоне отроцы, Божественною Распалаеми ревностию, Мучителя и пламене Прещение Мужески попраша И посреде огня Ввержени, Орошаеми Пояху: Благословите вся дела Господня Господа. Слава тебе, Боже наш, слава Тебе! Мановением вся носяй ногами пречистыми на гору взыде Фаворскую Христос, на нейже паче солнечныя лучи Облиста лицем, иже закону старейшия и благодати Показа поющия: благословите вся дела Господня Господа. Слава тебе, Боже наш, Слава Тебе! Неприступною славою на горе явлься неизреченно Фаворстей, неудержимый и незаходимый свет, Отчее сияние, тварь уяснив, человеки о Боже Поющия: благословите вся дела Господня Господа. Слава тебе, Боже наш, слава Тебе! Священнолепно стояще Моисей же и Илия на горе Фаворе, божественные начертание ясно ипостаси Видевше, Христа бо Отечестей облиставша славе воспеваху: Благословите вся дела Господня Господа. Слава тебе, Боже наш, слава Тебе! Иже в озраце божественного ради явления лице Прославися иногда Моисеово, Христос же яко Ризою, светом и славою одевается. Света бо Самодетелен Сый, озаряет поющия: Благословите вся дела Господня Господа. Слава Тебе, Боже наш, слава Тебе! От светородна облака Христа ученицы объята зряще на Фаворе и ницы на землю падше, ум просвещше, Со Отцем Сего пояху Духом: благословите вся дела Господня Господа. Седмерицею пещь Халдейский мучитель Богочестивым Неистовно разжжег, Силою же лучшею Спасенный, сия видев, Творцу и Избавителю Вопияше: Отроцы, Благословите, Священницы, воспойте, Людие, Превозносите во вся Веки. Слава Тебе, Боже наш, слава Тебе! Услышавше Владыку от Отца свидетельствуема и яко Человеческа отвердейша зрака, зрети лица Твоего Блистания не терпяще, Твои ученицы на землю ниц Падаху, со страхом поюще: священницы, Благословите, людие, превозносите во вся веки. Слава Тебе, Боже наш, слава Тебе! Царствующим еси Царь прекрасен и иже всюду Владящим Господь силен, блажен и во свете живый Неприступнем. Емуже ученицы удившеся, Моисей же и Илия Вопияху: отроцы, благословите, Священницы, воспойте, людие, превозносите во вся Веки. Благословим Отца и Сына и Святаго Духа Господа. Яко небом владущему и землею господствующему и Преисподними область имущему, Христе, Предсташа Ти: от земли убо апостоли, Яко с небесе же фесвитянин Илия, Моисей же от мертвых, поюще согласно: Людие, превозносите во вся веки. И ныне, присно, и во веки веков, Аминь. Уныния рождающия печали на земли оставиша, Апостолов избраннии, Человеколюбче, Яко Тебе последоваша, Коиже от земли преложению божественнаго жития. Темже и по достоянию Твоего Богоявления улучивше, Пояху: людие, превозносите Его во веки.