Седален по полиелее

Хваляще имя Господне в Божественном Его храме, Восхвалим купно верных Его рабов, Всехвальных отцев наших Сергия и Германа, Иже прославиша Бога в душах своих и телесех И светом добродетелей, яко звезды новоявленныя, Просветишася во стране Карельстей. Темже и Бог их в Небеснем Царствии прослави и Нам помощников показа, присно молящихся о Душах наших. Слава Отцу и Сыну и Святому Духу, И ныне и присно и во веки веков. Аминь. Сбытие словес Твоих, Владычице, Исполнися: се бо ублажают Тя вси роди, И мы, раби Твои, превозносим выну по Бозе имя Твое и вопием:, Радуйся, земнородных радосте; радуйся, Девственных похвало. Радуйся, страстьми обуреваемым тихое пристанище; Радуйся, отчаянным прибежище и спасение. Радуйся, верным заступнице и покрове. Радуйся, в женах едина благословенная, Богородице Марие, рождшая всем Жизнь.