Песнь 5

Нечестивии Узрят славы Твоея, Христе, Но мы Тя, Единородне, Отеческия славы Сияние Божества, От нощи Утренююще, Воспеваем Тя, Щедровахуще. Преподобнии отцы наши Сергие и Германе, Молите Бога о нас! Крайним безмолвием, молитвою же и постом, И бдением души своя очистивше, Пустыннолюбцы Трисияннаго света приятелище Соделашася. Преподобнии отцы наши Сергие и Германе, Молите Бога о нас! Не якоже трости, ветром колеблемы, Но яко твердии столпи, Сергий и Герман, На краеугольном камене Христе верою Утвердившеся, добродетельми просияша. Слава Отцу и Сыну и Святому Духу. Иоаннову житию в пустыни Иорданове И Иллиину безмолвию на горе ревнующе, Преподобнии, Страстей иго деянием свобождшеся, Богозрением просветишася. И ныне и присно и во веки веков. Аминь. Ты покров мой от напастей вражиих, Владычице. Ты свет сердцу моему, печальми житейскими Омраченному. Присно буди, Богородице, и спаси Мя. Ужасошася всяческая о Божественней Славе Твоей: Ты бо неискусобрачная Дева имела еси Во утробе над всеми Бога и родила Еси Безлетнаго Сына, всем воспевающим Тя мир подавающая.