Кондак, гл.4 и икос

От мирскаго жития изшедше, Отвержением мира Христу последовасте и Достигосте великаго Нева езера И в нем на острове Валаме всельшеся, Равноангельное житие пожили есте. Отонуду же, веселящеся, пришли есте к небесным Чертогом и ныне со ангелы Владычню Престолу предстояще, поминаете Нас, чад своих, Яже собра есте, богомудрии, да Радостно от души вопием: радуйтеся, Сергие и Германе, отцы Преблаженнии. Как о неразумен сый, воспою постников всехвальных, Слово бо премудрости и слово разума не дано ми, Безсловесием одержиму сущу. Ты Сам, смысла Подателю Иисусе, Премудросте вечная и Слово Божие ипостасное, Молитвами преподобных ум мой просвети и даруй Слово, Да гласом ангельским воспою их, Глаголя: Радуйтеся, звезды мысленныя, от востока нам Возсиявшия. Радуйтеся, безмолвия любители всеизряднии. Радуйтеся, Христовых заповедей делатели Непорочнии. Радуйтеся, златии сосуди, Духом Святым Исполненнии. Радуйтеся, столпи одушевленнии, Здание постничества утверждающии. Радуйтеся, крини, чистотою сердечною аки снегом Убеленнии. Радуйтеся, маслины, от Христа нам елей милосердия Плодоносящия. Радуйтеся, верным поборницы и молитвенным копием Сопротивные поражающии. Радуйтеся, целителие телесных немощей и страстей Душевных. Радуйтеся, ускоряющии в помощь обуреваемым и вам Молящимся. Радуйтеся, Валааму светила велия и пресветлая. Радуйтеся, Сергие и Германе, отцы Всеблаженнии.