Песнь 7

Юноши три в Вавилоне Веление мучителей во На буйство Преложен, Посреде пламене Вопияху: Благословен еси, Господи Боже, Отец наших. Преподобнии отцы наши Сергие и Германе, Молите Бога о нас. Огню сущу в вас, Сергие и Германе, Божественныя любве, Пламень похоти и огнь ярости претворися в росу. Тем радующеся, в безмолвии воспевасте: Благословен еси, Господи Боже, Отец наших. Преподобнии отцы наши Сергие Германе, Молите Бога о нас. Плоти своей, яко же златому идолу, Отроцы преподобнии не послужиша, Но апостольски распинающе ю со страстьми и похотьми, Покориша духу и в храме честни, Сотворшеся Святому Духу, взываху: Благословен еси, Господи Боже, Отец наших. Слава Отцу и Сыну и Святому Духу. Яко чистоты хранители, честнейшему Божеству Вместилище соделастеся, любопремудрии, И во плоти суще, тайнодействием Утешителя Премирных зрению восхищахуся, поюще: Благословен еси, Господи Боже, Отец наших. И ныне и присно и во веки веков. Аминь. Яко Матерь Безначальнаго Бога Слова сущую Тя, Владычице, Прошу умиленно от бессловесных страстей избавити мя, Яко отроки от пещи халдейския, Да с ними радуяся воспою: Благословен еси, Господи Боже, Отец наших. Не послужиша твари, богомудрии, Паче Создавшаго, но огненное прещение Мужески покрывше, радовахуся, поюще: Препетый отце, Господь и Бог, благословен еси.