Кып-кызыл эрнин

Кып-кызыл эрниң уйгу-дүжүмче Кирип туруп бээр ол бе? Кап-кара карааң илби-шидизи Дыжым оорлапкаш олчаан бербес бе? Манаарымга келбес Бодалымдан үнмес Кандыг кончуг берге апардың? Кайы черде тур сен? Халып чеде берейн Алдын айның кырында ор сен бе? Болчаавыстың чери Борбак айның кыры Сылдыстарже бараал Кады аңаа самнаал Шырай-арным сеңээ Арным эжим сеңээ Чырып көстүп келзе Айдың дүне дужаал Алдын айже ужаал Ажык соңга өттүр сериин салгын болуп Арның суйбап ошкаайн бе? Черле удува ай үнүп келир Чеди-Хаан сылдыс сени кый дептер