Заупокойная ектения знаменная монодия

Миром Господу помолимся. Господи, помилуй! О свышнем мире и о спасении душ наших Господу Помолимся. Господи, Помилуй! О оставлении согрешений во блаженной памяти Преставльшихся Господу помолимся. Господи, помилуй! О приснопамятных рабех Божиих, Воинех, на поле брани за веру, Царя и Отечество живот свой положивших, Покоя, тишины и блаженной памяти их Господу помолимся. Господи, помилуй! О простити им всякое прегрешение вольное и невольное Господу помолимся. Господи, Помилуй! О неосужденным предстати у страшного престола Господа славы Господу помолимся. Господи, Помилуй! О плачущих и болезнующих, чающих Христова утешения, Господу помолимся. Господи, Помилуй! О отпуститися им от всякия болезни, Печали и воздыхания и вселити их, Идеже присещает свет лица Божия, Господу помолимся. Господи, помилуй! О яко да Господь Бог наш учинит души их В месте светле, в месте злачне, В месте покойне, идеже вси праведнии пребывают, Господу помолимся. Господи, помилуй! О причтении их в недрех Авраама и Исаака и Иакова Господу помолимся. Господи, помилуй! О избавитися нам от всякия скорби, Гнева и нужды Господу помолимся. Господи, помилуй! Заступи, спаси, помилуй и сохрани нас, Боже, Твоею благодатию. Господи, помилуй! Милости Божия, Царства Небесного и оставления грехов Испросивше, тем сами себе и друг друга и весь Живот наш Христу Богу Предадим. Тебе, Господи! Яко Ты еси воскресение и живот и покой Усопших раб Твоих, воинов на поле брани за Веру, царя и Отечество живот свой положивших, Христе Боже наш, и Тебе славу возсылаем со Безначальным Твоим Отцем и с Пресвятыми Благим и Животворящим Твоим Духом, ныне и присно и во Веки веков. Аминь.