Канон, глас 3- Песни 1 и 3

Пресекаемое Море Жезлом древле, Израиль пройде Яко по пустыни И крестообразное ве-- Предуготовляет Стези. Сего ради поим во Хвалении Чудному Богу Нашему, Яко Прославися. Дивен Бог во святых Своих Бог Израилев. Погребением Твоим смерть умертвив и низложив адово Мучительство, на небеса, Предтеча, Нам возшедый, страстотерпческий лик совзнесл еси. Ныне же души упокой приставленныя к Тебе, Христе. Покой, Господи, души Усопших раб Твоих. Иже божественныя мученики укрепляяй и теми прелесть Потребивый, мольбами их яко Бог скончавшимся, Яже о Тебе, Спасе, безсмертие и блаженное наследие Улучити благоволи. Слава Отцу и Сыну и Святому Духу. За рабы, Владыко, Твою кровь заклався излиял еси яко Щедр, долг же за них воздая. Сего ради милосердие Тебе молим: Приставленныя рабы Твоя к Тебе упокой. И ныне и присно и во веки веков. Аминь. Чистую воспоим Богородицу, Богорождшую, Смертию Своею смерть нашу испровергшаго и жизнь Источившаго нестареющуюся и во веки Пребывающее блаженство. Иже от Несущихся Приведый, словом Созидаемая, Совершаемая Духом, Вседержителю Вышний, в любви Твоей Утверди мене. Дивен Бог во святых Своих Бог Израилев. Создавый мя от земли и к земли возвращенна окаяннаго Обновивый светлее, Души усопших упокой молитвами мученик. Покой, Господи, души усопших раб Твоих. Страстотерпец мученик, биеньми же и вязаньми, Ранами и язвами умален бывая, души раб Твоих во Святых селениих учини, Щедре. Слава Отцу и Сыну и Святому Духу. Избави, Человеколюбче, рабы Твоя геены, Огня же и мрачных селений ада, Иже верою, Владыко, усопшие Твоею надеждею. И ныне и присно и во веки веков. Аминь. Священнейшая, яко Мати Зиждителя твари сущи, Смерти разоргшаго силу, Богородице Пречистая, И нетление нам даровавшаго. Иже от несущихся Приведый, словом Созидаемая, Совершаемая Духом, Вседержителю Вышний, в любви Твоей Утверди мене. Паки, паки миром Господу помолимся. Господи, помилуй. Еще молимся о упокоении душ усопших рабов Божиих, Воинов на поле брани за веру, царя и Отечество Живот свой положивших, И идеже проститися им всякому прегрешению, Вольному же и невольному. Господи, помилуй. Яко да Господь Бог учинит души их, Идеже праведнии упокоеваются. Господи, помилуй. Милости Божия, Царства Небесного и оставления Грехов их у Христа, безсмертного Царя и Бога Нашего, просим. Подай, Господи. Господу помолимся. Господи, помилуй. Яко Ты еси воскресение, и живот, И покой усопших раб Твоих, воинов на поле Брани за веру, царя и Отечество живот свой Положивших, Христе Боже наш, и Тебе славу возсылаем Со Безначальным Твоим Отцем и с Пресвятыми, Благим, и Животворящим Твоим Духом, Ныне и присно и во веки веков. Аминь