Песни 4, 5, 6 ирмосы - знаменная монодия, запевы - обиходная монодия

Положил еси к нам Твердую любовь, Господи, Единороднаго бо Твоего Сына за ны На смерть дал еси. Темже Ти зовем, Благодаряще: Слава силе Твоей, Господи! Дивен Бог во святых Своих, Бог Израилев. Во гроб за ны милостивно вселився, Владыко, гроб истощил еси яко Бог и Победоносцы явль мученики, в месте ослабления Усопшия рабы Твоя учини. Покой, Господи, души усопших раб Твоих. Иже страдалец, крепкия подвиги и раны, И удов отсечения, яже за Тя претерпевша, Владыко, радуяся приемый, и яже приял еси, Избави от мучения. Слава Отцу и Сыну и Святому Духу. Яже мановением Своим живота имея умерение, Безконечныя Твоея жизни и нетленныя славы сподоби, Яже к Тебе преставил еси, греховное разорь Средоградием. И ныне, и присно, и во веки веков. Аминь. Мати воистинну и Дево явилася еси всенепорочная, Зачатие и рождество истинно к девству едино Сочетавши: Бога бо родила еси, смерти разоршаго силу. К Тебе утренюю, Всех Творцу При имущему Всяку Мирови, Зане свет Повеления Твоя, В нимже настави Мя. Дивен Бог во святых Своих, Бог Израилев. Церкви первенец, Блаже, пришедшия от нас мученик Ради и честных страдалец мольбами с Праведными причти. Покой, Господи, души усопших раб Твоих. За избавление многих прегрешений пресвятую кровь Твою, Христе, излиял еси, И ныне мученик Твоих, Спасе, мольбами благочестно Усопшия упокой. Слава Отцу и Сыну и Святому Духу. Управи, Слове, отшедших души в вечное место сладости Твоея, яже паче ума, и святых божественныя светлости Сподоби. И ныне, и присно, во веки Веков. Аминь. Тебе, Деву, юже паче слова во чреве Необыменное Слово заченшую, Мертвым жизнь дающаго, достойно блажим. Возведи от тли мя, Господи Боже мой, Иона вопияше И аз вопию Ти: Из глубины избави мя, Спасе, многих Моих зол И к свету Твоему, Молюся, Настави. Дивен Бог во святых Своих, Бог Израилев. Преложи на радость в вере усопших рыдание молитвами Страстотерпец, препоясуя их, благолепне, Христе, веселием и к свету Твоему направляя и Наставляя. Покой, Господи, души усопших раб Твоих. Упокой, Боже, множеством щедрот Твоих у патриархов в Недре преставленныя, идеже свет сияет светлый Твоего Лица, Христе, презирая их вся прегрешения. Слава Отцу и Сыну и Святому Духу. Удиви на отшедших отсюду и лютых жития избавленных Чудную милость, Христе, человеколюбия Твоего, И радости Твоея насыти, и кротости. И ныне, и присно, и во веки веков. Аминь. Мертвости тли и смерти избавихомся преславным Рождеством Твоим, Богомати. Ты бо нам родила еси, Чистая, нетления источник и Твоим светом мир весь просветила еси. Возведи от тли мя, Господи Боже мой, Иона вопияше И аз вопию Ти: Из глубины избави мя, Спасе, многих моих Зол И к свету Твоему, Молюся, Настави. Паки, паки миром Господу помолимся. Господи, помилуй. Еще молимся о упокоении душ усопших рабов Божиих, Воинов, на поле брани за веру, Царя и Отечество живот свой положивших, И о еже проститися им всякому прегрешению, Вольному же и невольному. Господи, помилуй. Яко да Господь Бог учинит души их, Идеже праведнии упокоеваются. Господи, помилуй. Милости Божия, Царства Небесного и оставления Грехов их у Христа Безсмертного Царя и Бога Нашего просим. Подай, Господи. Господу помолимся. Господи, помилуй. Яко Ты еси воскресение, и живот, И покой усопших раб Твоих, воинов, На поле брани за веру, царя и Отечество живот Свой положивших, Христе Боже наш, И Тебе славу возсылаем со Безначальным Твоим Отцем и С Пресвятыми и Благим и Животворящим Твоим Духом, Ныне и присно и во веки Веков. Аминь.