Песни 7, 8, 9

Якоже древле Благочестивыя три Отроки оросил Еси В пламени халдейстем, Светлым божества Огнем и нас Озари. Благословен еси, Взывающия: Боже, Отец Наших! Дивен Бог во святых Своих Бог Израилев. Иже всем живоначальная вина же и сила творительная, Слове Божий, обещанныя мучеником пище сподоби души Преставленных раб Твоих. Благословен еси, Боже отец наших. Покой, Господи, души усопших раб Твоих. О телесех убо яко тленных доблественнее не родишася Славнии мученицы, Христе. Ныне же со дерзновением молятся к Тебе: Души покой преставленных раб Твоих, Отец наших, Боже, благословен еси. Слава Отцу и Сыну и Святому Духу. Тростию крестною подписал еси оставление грехов всем Верным, емуже ныне души, яже преставил еси к Тебе, Причаститися сподоби и веселием пети Тя, Отец наших, Боже, благословен еси. И ныне, и присно, и во веки веков. Аминь. Слово Отчее, Иже вся волею содеваяй, Естество человеческое, погребенное страстьми, Яко Богу обнови. Благословен, Пречистая, плод Твоего чрева. Служити живому Богу в Вавилоне Отроки Претерпевши, О мусикийских Органех не Радиша И посреде пламене Стояще, Боголепную песнь Воспеваху, Глаголюще: Благословите вся Дела Господня Господа. Дивен Бог во святых Своих Бог Израилев. Сый сокровище безсмертия, Ты, Живоначальниче, Мертвым нетление провозвестил еси, Еже Твоим мучеником, Христе, благочестно верою Тебе Поющим даровал еси. Благословите вся дела Господня Господа. Покой, Господи, души усопших раб Твоих. Мудростию духовною и терпением дел крепцыи Страдальцы о муках не радиша, душам преставленным от Христа оставления просят, зовуще: Благословите вся дела Господня Господа. Благословим Отца и Сына и Святаго Духа Господа. Очисти, Блаже, копием ребер Твоих растерзав Рукописание к Тебе преставленных, И средограде отъеме прегрешений, Песнословити Тя прием их, Спасе, Благоволи. Благословите вся дела Господня Господа. И ныне, и присно, и во веки веков. Аминь. Облак Тя мысленный, притруждшимся жаждою Умерщвления, Дево Чистая, вемы, Воду живу оставления источающую и мертвым безсмертие Всем подающую, верою присно зовущим: Благословите вся дела Господня Господа. Копиною и огнем Прописанную в Синаи Законоположнику Моисею И Боже во чреве Неопально зачшую Огнь, Всесветлую и Негасимую свещу Сущую Богородицу песньми Чтуще, Величаем. Дивен Бог во святых Своих Бог Израилев. Ныне яко един благ и человеколюбец Бог, Преставленныя к Тебе мученик мольбами в стране Кротких земли всели, разрешение прегрешений подая, Милостиве Сый, да непрестанно песньми Тя величаем. Покой, Господи, души усопших раб Твоих. Во святых селениих в недрех Авраамовых же приял еси, Христе, причти с праведными Твоими, Идеже сияет свет лица Твоего неизреченный и Божественный, и пребывающее во веки воистину Присносущное радование. Слава Отцу и Сыну и Святому Духу. Блаженныя Твоея жизни и вечных благ непрестанныя Пищи, веселие истинно, Господу, Бе рабы Твоя, яже преставил еси волею, Жизнодавче, в месте злачне, на водах покойных. И ныне, и присно, и во веки веков. Аминь. Яко святый ковчег и сведение скиния Законодавца Бога, прияла еси во утробе всенепорочная Зиждителя Твоего, Изречение древния клятвы и закон смерти своею Смертию испровергшаго.