Сугубая ектения знаменная монодия

Помилуй нас, Боже, по велицей милости Твоей, Молим Ти ся, услыши, помилуй. Господи, помилуй. Господи, помилуй. Еще молимся о упокоении душ усопших рабов Божьих, Воинов на поле брани за веру царя и Отечество Живот свой положивших, И о еже проститися им всякому прегрешению, Вольному же и невольному. Господи, помилуй. Господи, помилуй. Господи, помилуй. Яко да Господь Бог учинит души их, Идеже праведнии упокоеваются. Господи, помилуй. Господи, помилуй. Господи, помилуй. Милости Божия, Царства Небесного и оставления Грехов их у Христа безсмертного Царя и Бога Нашего просим. Подай, Господи. Господу помолимся. Господи, помилуй. Боже духов и всякия плоти, смерть поправый и Диавола упразднивый и живот миру Твоему даровавый! Сам, Господи, упокой души усопших раб Твоих, Воинов на поле брани за веру царя и Отечества Живот свой положивших, в месте светле, В месте злачне, в месте покойне, Отнюдуже отбеже болезнь, печаль и воздыхание. Всякое согрешение, содеянное ими словом или делом, Или помышлением, яко благий человеколюбец Бог, Прости: яко несть человек, иже жив будет и не Согрешит. Ты бо един кроме греха, правда Твоя правда во Веки, и слово Твое истина. Яко Ты еси воскресение, и живот, И покой усопших раб Твоих, Христе Боже наш, И Тебе славу возсылаем со безначальным Твоим Отцем и С Пресвятыми и Благими и Животворящим Твоим Духом, Ныне и присно и во веки веков. Аминь.