Чтение Евангелия

Премудрость! Прости, услышим святаго Евангелия. Мир всем. И духу твоему. От Луки святаго Евангелия чтение. Слава Тебе, Господи, слава Тебе. Во дни оны восставше Мариам, иде в горняя со Тщанием во град Иудов и вниде в дом Захарииный И целова Елисавет. И бысть, яко услыша Елисавет целование Мариино, Взыграся младенец во чреве ея; И исполнися Духа Свята Елисавет; И возопи гласом велиим и рече: Благословена ты в женах, и благословен плод чрева Твоего. И откуда мне сие, да прииде Матерь Господа моего ко мне? Се бо, яко бысть глас целования твоего во ушию Моею, взыграся младенец радощю ми во чреве моем. И блаженна веровавшая, яко будет совершение Глаголанным ей от Господа. И рече Мариам: величит душа Моя Господа, И возрадовася дух Мой о Бозе Спасе Моем. Яко призре на смирение Рабы Своея: Се бо отныне ублажат Мя вси роди. Яко сотвори Мне величие Сильный, И свято имя Его. Пребыже Мариам с нею яко три месяцы, И возвратися в дом свой. Слава Тебе, Господи, Слава Тебе.