Стихиры на Господи, воззвах, глас 1

Многожды от юности твоея испыта Господь Веру твою и Николиже вкая неправда в тебе Обретеся. Скольже и радость со благодарением прияла Еси от Господа и Воле Его повиновалася еси И того от силы в силу возросла Еси. Сие есть избранние Божие, Сияет слава святым Его. Иже бо взыскует Господа, того Взыскует Господь. Сего ради изведе тя из земли сродства Твоего И в новом отечестве твоем светом Православия Просветися, Послежде призвана путь скорбный и Многотрудный, Имже шествовавши, достигла еси горних Обителей, идеже Любовию упокоевает Господь верных в Крестной любви Его. Егда в помазании святем дар Духа Святаго Прияла еси, Елисавето, и к Чаши Божественней со благоговением Приступила еси, Тогда напита тя Господь причастия Своего Сладостию Неизреченною, Яко чадо новоизбранное Церковное. Бе же день той Лазареву воскрешению Память, в той день Призва тя с Собою Господь, гряды на Вольную страсть.