Акафист святому Иоанну Воину

Избранного раба Царя Небесного, Добля во Христу возроста сердца, Иоанна, святого воина и Чудотворца. Похвальными песньми воспоим яко христиан Заступника, целомудрия блюстителя, Страждущих утешителя. Ты же, предстоя престолу Святыя Троицы, Молитвами своими от всяких зол и напастей Охраняй с верою и любовию зовущих Ти: Радуйся, Иоанне, святый Воине и преславный Чудотворче. Архангели и Ангели с любовию зряху наравноангельное Житие твое, Иоанне пречудне. Ты бо, пекийся о Господних, како угодити Господеви, Сохранил девство неврежденно, постом и молитвой Умерщвляя плоть свою день и нощь. Мы же, таковому житию твоему дивящеся, Со умилением взываем ти сице: Радуйся, чистоту сердца своего сохранивый. Радуйся, яко сего ради Бога узрети сподобился еси. Радуйся, идол Христово на рамо свое вземший. Радуйся, душу свою Христа ради погубивый, Во еже спасти Ю. Радуйся, Ангелов сожителю. Радуйся, девственников похвало. Радуйся, хранителю и наставниче юных отроков. Радуйся, скорый помощниче борющимся со страстьми и Похотьми. Радуйся, защитниче дев и вдовец. Радуйся, обличение нарушителей целомудрия. Радуйся, родителей и воспитателей наставниче. Радуйся, сиротствующих незримый водителю. Радуйся, Иоанне, святый воине и преславный Чудотворче. Видя святый Иоанн, егда прииде в Нумеры Ефальские, Христианы гонимы, не убоялся крещения нечестивого Иулиана и рече им: Мужайтеся, укрепляйтеся в Вере, да сподобитеся вы воспевати в Небесных чертозех Христу Богу: Аллилуиа. Аллилуиа, аллилуиа, Аллилуиа. Разум несумненный имел еси в себе, Иоанне достохвальне, егда, славу мира сего презрев И гнева царского не устрашився, Исповедал себе христианином быти. Сего ради яко злодей в темницу всажден был еси. Таковому твоему о Христе дерзновению дивящеся, Глаголем: Радуйся, исповедниче Христов Преизрядный. Радуйся, Христос пострадавый. Радуйся, идольскаго служения прелесть обличивый. Радуйся, силою креста врага победивый. Радуйся, яко узы и темницу за Христа прияти Сподобился еси. Радуйся, яко хладно наготу за Христа предпочел еси Славе греховней. Радуйся, исповедников похвало. Радуйся, мучеников радование. Радуйся, в земных воинах доблий воин Царя Небеснаго. Радуйся, обилий выризы своя в крови алчкий. Радуйся, Церкви Христовы защитниче. Радуйся, всех православных заступниче. Радуйся, Иоанне, святый воине и Преславный чудотворче. Силою свыше препоясанный, возмогл еси победити Древнего змия. Тоюжде силы одаренный, источаеши обилие чудес всем, Призывающим с верою имя твое и о тебе Благодарне вопиющим Богу: Аллилуиа. Аллилуиа, аллилуиа, Аллилуиа. Имея в сердце своем твердую веру во Христа и Силою тоя вооружився, не убоялся еси гнева царева и Сохранял еси Ефальские люди от мучителей. Сего ради таковое мужество твое похваляюще, Блажим тя сице: Радуйся, доманти веры Христовы. Радуйся, столпе Церкви Божия. Радуйся, верных надеждо и заступление. Радуйся, неверных страх и посрамление. Радуйся, венец исповедников Христовых стяжавый. Радуйся, оружием креста врагов Христовых Низложивый. Радуйся, Христа, паче мира возлюбивый. Радуйся, за христианы душу свою положивый. Радуйся, замыслы богомерзкого мучителя Рассеявый. Радуйся, яко в темницах сущих и во узах посещал Еси. Радуйся, яко и сам за Христа в темницу Всажден был еси. Радуйся, язвы Господа своего на теле Носивый. Радуйся, Иоанне, святый воине и преславный Чудотворче. Бурею помышлений сумнительных колебашеся блаженный Иоанн, егда послан бысть в Нумеры Ифальския, Да мучит тамо верующия во Христа: Аще убо, глаголаше, по повелению цареву имам Благоверныя люди мучити убивати, Осужден буду от Бога; аще же не иду тамо, В чине воинства моего обрящуся царю противен и Предан буду смерти лютей. Обаче, страхом Божиим водимый, Веру Христову в сердце своем сохранил даже до Злостраданий и уз темничных, вопия Христу: Аллилуиа. Аллилуиа, аллилуиа, Аллилуиа. Слышав нечестивый Иулиан твое ко христианам Милосердие и уведев тя самого христианина быти, Разъярися на тя злобою и повеле привести в Царьград Яко злодея и противника царева. Ты же, благодатию Божию укрепляем, Страдания претерпел еси мужественно и от веры во Христа никакоже отступил еси. Сего ради величаем тя сице: Радуйся, исповедниче веры во Христа Неустрашимый. Радуйся, воине Христов непобедимый. Радуйся, яко с архистратигами сил небесных Престолу Божию предстоиши. Радуйся, скорый помощниче всем за истину Терпящим. Радуйся, искушений и соблазнов от дьявола Избегнувый. Радуйся, яко и всех призывающих тя от искушений Избавляеши. Радуйся, замыслы богомерзкого мучителя Рассеявый. Радуйся, нам сети дьявола избегати помогающий. Радуйся, щитом веры себе самого от стрел лукавого Защитивый. Радуйся, имже нас от искушений охраняющий. Радуйся, христианскаго рода украшение. Радуйся, небесных чертогов обитателю. Радуйся, Иоанне, святый воине и Преславный чудотворче. Боготечной звезде подобен был еси, Иоанне, егда пришед с страны Ифальския, Увещал еси тамо сущих христиан не отступати от Солнца Правды, Христа Бога, но выну пети Ему: Аллилуиа. Аллилуиа, аллилуиа, Аллилуиа. Виде святый приводимыя пред него по повелению цареву Верныя Христу люди на мучение за веру Христову, Зело скорбе за ня, в сердце своем пекися, Да избавит их от руки мучительвы. Таковое твое попечение о них похваляюще, Зовем ти: Радуйся, любовь Христову в сердце своем имевый. Радуйся, которой согреваем от мучителей верныя рабы Христовы спасал еси. Радуйся, велений нечестивых презревый. Радуйся, заповеди Христовы сохранивый. Радуйся, верных рабов Христовых друже. Радуйся, христиан заступниче. Радуйся, сущим темницах и во узах утешителю. Радуйся, нищих кормителю. Радуйся, странных водителю. Радуйся, немощствующих врачу. Радуйся, заступниче сирых. Радуйся, плачущих утешителю. Радуйся, Иоанне, святый воине и Преславный чудотворче. Постом и молитвою плоть твою духови поработил еси И во славу Божию в духовне пожил еси. Сего ради ныне предстоиши Престолу Пресвятыя Троицы, Выну воспевая песнь: Аллилуиа. Воссиял еси яко новое светило на тверди небесней Всему христианскому роду, егда Божиим изволением Обретено бысть нетленное тело Твое, Источающее обилие чудес с верою к Твоему заступлению Притекающим и молитвенно тебе Взывающим: Радуйся, Богу житием твоим Угодивый. Радуйся, сего ради от Него прославление Приявый. Радуйся, тщету и прелесть мира сего презревый. Радуйся, мзду небесную восприявый. Радуйся, яко молебен явился еси. Радуйся, яко обилие благодати Божией прияти Сподобился еси. Радуйся, яко в житии сем ближнего самоотверженно Возлюбил еси. Радуйся, яко в скорбях и напастех сущим заступник Был еси. Радуйся, душу свою за други полагавый. Радуйся, теплый ходатаю за нас у Царя Небеснаго. Радуйся, от мучителя во гнева христиан испасовый. Радуйся, яко и днесь о спасении нашем печешися. Радуйся, Иоанне, святый воине и Преславный чудотворче. Хотящу ти от мира сего преселитися, Смиренномудрием побуждаем. Повелел еси некоему человеку тело Твое положити в Доме, идеже страннии нищии погребахуся. Господь же смиренныя возносяй, Благоволи сохранити оное нетленно и чудотворение Источающее всем ко твоему заступлению с верою Притекающим и о тебе Богу вопиющим: Аллилуиа. Аллилуиа, аллилуиа, Аллилуиа. Новую показа милость рабом Своим Человеколюбец Господь, егда благоволи прославити тя и явити В тебе благодать Свою чудотворящую. Мы же таковому промышлению Божию радующеся, Благодарне вопием: Радуйся, вместилище Благодати Божией. Радуйся, сосуде Божий избранный. Радуйся, чудотворче предивный. Радуйся, притекающим к тебе с верою скорую помощь Подаваяй. Радуйся, душевных и телесных недугов наших Целителю. Радуйся, бесов по имени Христови изгонителю. Радуйся, лукавства врага человеческого Обличителю. Радуйся, целомудрия хранителю. Радуйся, благочестивых супружеств от всякаго Диавольскаго прельщения незримая оградо. Радуйся, татьбы и грабительства скорый обличителю. Радуйся, совратившихся на путь истины Наставителю. Радуйся, прошения наша на пользу исполняяй. Радуйся, Иоанне, святый воине и преславный Чудотворче. Странное и дивное явление твое, Через сонное видение некой жене благоговейно Уведевшей и новаго чудотворца и угодника Божия в Тебе познавшей, людие Константинопольстии Умилишася и возопиша Богу: Аллилуиа. Аллилуиа, аллилуиа, Аллилуиа. Весь добродетельми исполненный в жизни сей, По смерти же славою Божию озаренный, Преклоняеши ухо Твое на молитвы чтущих тя, От нихже слышиши сицевая: Радуйся, Милосердия Отца Небеснаго подражателю. Радуйся, алчущих питателю. Радуйся, странных невидимый спутниче. Радуйся, сирых покровителю. Радуйся, озлобляемых утешителю. Радуйся, за истину терпящих подкрепителю. Радуйся, недугующим ослабу и исцеление Подаваяй. Радуйся, в бедах сущих заступниче. Радуйся, нищия возлюбивый. Радуйся, яко с ними и по отшествии от мира Сего телом разлучитися не восхотел еси. Радуйся, яко в доме убогих погребсти тело свое Завещал еси. Радуйся, за смиренномудрие твое венцем от Бога Увенчанный. Радуйся, Иоанне, святый воине и преславный Все воинство ангельское возрадовалося, Видя тя воина Царя Небесного, непреоборима, Победивша миродержителя тьмы и прелести века сего. Темже и воспе Богу: Аллилуиа. Аллилуиа, аллилуиа, Аллилуиа! Вития многовещанныя не возмогут по достоянию Восхвалити страдания твоя за Христа претерпенныя, И милосердия и целомудрия твоего подвиги. Мы же, таковым дивящеся в немощи нашей, Малыя сия хваления приносим тебе: Радуйся, Христа всем сердцем возлюбивый. Радуйся, вольное страдание за имя Его Претерпевый. Радуйся, о Бозе Вседержителе поревновавый. Радуйся, венец мученический стяжавый. Радуйся, правило веры и воздержания учителю. Радуйся, нищету духовную проявивый. Радуйся, смиренномудрием твоим духа гордыни не Сложивый. Радуйся, наследие Царства Небесного стяжавый. Радуйся, дому Отца Небесного обитель себе Сотворивый. Радуйся, яко о спасении нашем присно ходатайствуеши. Радуйся, помощь скорую просящим подаваяй. Радуйся, яко немощно молиши за ны Христа Бога. Радуйся, Иоанне, святый воине и преславный Чудотворче. Спасти хотя душу свою, презрел еси веление мучителя И о теле своем не радив, радостно восприял еси Узы железныя и темничную скорбь, Иоанне, Христов воине, воспевая укреплявшему тя Богу: Аллилуиа. Аллилуиа, аллилуиа, Аллилуиа! Се наеси твердое прибежище всем с молитвою к тебе Прибегающим, чудотворче Иоанне. Сего ради зовем ти: Радуйся, скорый послушниче всех призывающих тя. Радуйся, яко честныя мощи твоя благоволи Бог Прославити чудесы. Радуйся, яко от икон твоих подается благодать Божия Взирающим на них с верою. Радуйся, яко в созданных на прославление имени Твоего храмех незримо обитаеши. Радуйся, яко никтоже тамо с верою молящийся тощ и Неуслышан исходит. Радуйся, яко молитвами твоими подкрепляеши наша Моления ко престолу Вседержителя восходящия. Радуйся, яко коегождо прошения предворитель Чишися. Радуйся, яко на стропотнем пути греха идущим Разумление подаеши. Радуйся, яко искушаемым от дьявола скорую помощь Являеши. Радуйся, яко всех идти на путь спасения направляеши. Радуйся, яко грешныя на покаяние наставляеши. Радуйся, угодниче Христов, к молитве нища о нас Благоприятный. Радуйся, Иоанне, святый воине и преславный Чудотворче. Пение похвальное приносим тебе, Мучениче Христов Иоанне, еже с любовию приемля, Моли Господа избавитися нам от бед и скорбей, Наипаче же в час кончины нашея твоим заступлением Предвари, да не умрем безпокаянны, Но сподобимся в небесных селениях с тобою воспевати Богу: Аллилуиа. Аллилуиа, аллилуиа, Аллилуиа! Свеща еси в Церкви Христовой, горящи невещественным Светом благодати Божией и озаряющий тьму неразумия Нашего, Иоанне преблаженне. Сего ради молим ти ся: просвети ны, Омраченныя грехом, да воспоим тебе: Радуйся, свет Божественного учения в сердце своем Носивый. Радуйся, яко тем просвещаяся тьму идольского Служения обличил еси. Радуйся, яко и нам тем же светом просветити Сочтишися. Радуйся, яко славу Трисияннаго Божества лицем к лицу Зриши. Радуйся, луче благодати Божией, От Солнца Правды возшеная. Радуйся, озаряяй тьму неведения нашего светом Христовых заповедей. Радуйся, путеводная звезда всем ищущим спасения. Радуйся, яко наставляеши нас на всякое дело Благое. Радуйся, яко мысль благу нам на сердце во Благовремении полагаеши. Радуйся, яко воинскому званию образ доброго воина в Себе показуеши. Радуйся, озаривый вселенную светом добродетелей Твоих. Радуйся, яко видя добрые дела твоя, Человецы Отца Небесного прославляют. Радуйся, Иоанне, святый воине и преславный Чудотворче. Благодать дана тебе от Бога, во еже руководити ко Спасению и сохраняти от бед чтущих память твою. Сего ради молитвами твоими огради от всякого зла Церковь и страну нашу. Верныя же вся в добродетелях преуспевати сотвори, Да воспоим вси Богу: аллилуия. Аллилуия, аллилуия, Аллилуия! Поюще Бога, дивнаго во святых Своих, Хвалим тя, Христова исповедника, Воина же и чудотворца, хвалениями сицевыми: Радуйся, Церкви Божией украшение. Радуйся, к воинству Небесному сопричтенный. Радуйся, всеоружие Божие приемый. Радуйся, тем вся козни вражия преодолевый. Радуйся, в броню праведности облеченный. Радуйся, щитом веры осиянный. Радуйся, шлем спасения стяжавый. Радуйся, меч духовный, еже есть слово Божие, Паче всякаго оружия возлюбивый. Радуйся, препоясанный от Бога правдою и истиною о Чреслах своих. Радуйся, яко к званым на брачную вечерю Агнца Сопричтен еси. Радуйся, яко тамо воспети песнь нову пред престолом Его сподобился еси. Радуйся, на небе приобщаяся ныне Христу истиннее, Нежели иногда на земли. Радуйся, Иоанне, святый воине и Преславный чудотворче.