Плач Богородицы

Стояше днесь при Кресте Пречистая Девая, Умиленный плач Возвизаше, Сладчайшии гласы Испущаше: о Свете пресветлый и Заре христосущная! Где Твоя зайде Красота Светолучная, Невечерняя? Добровидный Сыне Мой, сладчайшая Доброта, где Твой Вожделенный лик Созрах, краснейший В свете, Мой? О Божия Мудросте, Церковная Сладосте! Что се вижу зде Преславное Видение Ужасное? О свете великий И сладчайший Иисусе! Где Твоя доброта Сокрыся, Возлюбленный Сыне Мой? Увы мне, свете Мой, дражайшая Доброта! Како Тя узрю, Христе Царю, на Кресте Тя Распинаема? О Солнце Пресвятое, сокрый Ныне лучи Своя, Видя Своего Создателя Неправедно Земные страждуща! Иосифе Преблаженне, сойми Тело Иисусово, Положи е в гробе, но Веки се чине И искомене. Где Твой зрах Пресладкий, Сладчайшая доброта? Како погребу Тя, Сыне Мой, Безсмертнаго и Призвечнаго? Не рыдай Мене, Моя Мати, Возстану бо из Гроба, Тебе Вознесу Со славою превыше Всех горних и Земных. Воскресни, Боже, Сыне Мой, Тридневно от гроба, Взыди ко Отцу на Небеса, судяй Концем всей Земли. Тогда Тебе всяка Тварь небесных и Земных Поклонится и Прославит Царя Веков, и вси Ждет Тебя.