Божественная литургия: Тебе поём

Тебе поем, Тебе благословим, Тебе благодарим, Господи, и молим Ти ся, Боже наш. Еще приносим Ти словесную, всю и бескровную службу, И просим, и молим, и милости просим. Ниспосли Духа Твоего Святаго на ны и на предлежащия Дары сия. Господи, Иже Пресвятаго Твоего Духа в третий час Апостолом Твоим ниспославый, Того, Благий, не отыми от нас, но обнови нас, Молящихся Ти ся. Сердце чисто созижди во мне, Боже, Дух прав обнови во утробе моей. Господи, Иже Пресвятаго Твоего Духа в третий час Апостолом Твоим ниспославый, Того, Благий, не отыми от нас, но обнови нас, Молящихся Ти ся. Не отвержи мене от лица Твоего и Духа Твоего Святаго не отыми от мене. Господи, Иже Пресвятаго Твоего Духа в третий час Апостолом Твоим ниспославый, Того, Благий, не отыми от нас, но обнови нас, Молящихся Ти ся. Благослови, Владыко, святый хлеб. И сотвори убо хлеб сей честное Тело Христа Твоего. Аминь. Благослови, Владыко, святую чашу. А еже в чаши сей честную Кровь Христа Твоего. Аминь. Благослови, Владыко, обоя. Преложив Духом Твоим Святым. Аминь, аминь, Аминь. Якоже быти причащающимся во трезвение души, Во оставление грехов, приобщение Святаго Твоего Духа, во исполнение Царствия Небеснаго, В дерзновение же к Тебе, и в суд или Во искупление, еще приносим Ти словесную сию службу, Во еже в вере почивших праотцах и цех патриарсех, Пророцех, апостолех, проповедницех, Евангелистех, мученицех, исповедницех, Воздевницех и о всяком духе праведнем, В вере скончавшемся.