Стихира No. 1: IV. Текст II

Но ради привременныя славы и самолюбия, И сладости мира сего все свое благочестие Душевное со христианскою верою и законом Попрал еси. Уподобился еси семени, падающему на камень и Возросшему, и воссиявшему солнцу со зноем. Абие словеси ради ложнаго соблазнился еси, И отпал еси, и плода не сотворил еси. И по ложных словесех убо подобно на пути Падающему сотворил еси, еже убо Всеявшу слово к Богу истинному и к нам Прямо службу еси, все враг из сердца Твоего восхитил есть и сотворил Тя во своей воли ходити. Темже и вся Божественная Писания поведают, Яко не повелевает чадом со отцы противлятися и Рабу с господином кроме веры. И аще убо все от отца твоего дьявола восприем Много ложными словесы соплетеши, Яко веры ради избежал еси не токмо ты, Но и все твои согласники, а бесовския Служители не могут в нас сего обрести. Паче же уповаем Божия Слова воплощением и Пречистыя Его Матери, Заступницы Христианския милостию и всех святых Молитвою, не токмо тебе о сем ответ дати, Но и противу поправших святые иконы и всю Христианскую и божественную тайну Отвергшим и от Бога отступившим, К ним же ты любительно соединился еси, Их нечестие изобличити и благочестие явити И воспроведити, якоже благодать Возсия.