Стихира No. 1: VIII. Текст IV

Предстанет бо ти напрасно всепогубство и Люто, якоже буря. Приидет Ангел немилостив, отводя с нуждею, Влекий душу твою, связану грехми, Часто обращающуюся к здешним и рыдающую без Гласа, органу прочее плачевному Затворшуся. О, кольми поколебишися? О, колико воздохнеши, бездельно Каяся о злых советях и делех? И ох же речеши в болезни сердца своего тогда: "Увы мне! Не могу отринути тяжкое се бремя Греховное. Увы мне, скверны не отмывшу. От злых совещаний, в применении временныя Ради греха сласти, вечно мучим есмь, Гортанныя ради сладости и пьянства огню Предахся. Праведен убо поистине суд Божий. Зовом бех убо, и не послушах, Учим, и не внимах. Сказано бяше, а смеяхся". Сия и сицево речеши, всяко рыдая себе, Аще восхищен будеши прежде покаяния. Ей, поистине нощь глубока тогда, И болезнь тяжка, и помогаяй несть. Таже воззрев семо и ономо и видев предстоящее Ти лютое запустение, тогда разумееши Ненаказание и воздохнеши, о безумии всяко, И время окаянно и люто, скрыл еси Покаяние. Егда убо язык удержится, рука же Трепетом колеблема терзаньми, ни гласом, Ни писанием назнаменовати беду и нужду. Темже помилуй себе и приими во уме последний Он и страшный день исхода и одержание, И тесный и прискорбный час, и ответ Божий Приходящий, и Ангел тщащихся, и души Всех бедно смущаеми и помрачаеми, И трепещуще зело, и недоумеющеся, И без ума кающеся, и рыдающе же, И слезяще многажды, и к здешним умильно Обращающеся, неизмольнаго и долгого Онго осшествия нужда.