Сугубая ектения

Помилуй нас, Боже, по велицей милости Твоей, Молим Ти ся, услыши и помилуй. Господи, помилуй, Господи, Помилуй, Господи, Еще молимся о Великом Господине и отце Нашем Святейшем Патриархе Алексии и о экзархе его, Господине нашем Высокопреосвященнейшем митрополите Филарете, и о Господине нашем Высокопреосвященнейшем митрополите Лавре, Первоиерархе Русские Зарубежные Церкви и о всей во Христе братии нашей. Господи, помилуй, Господи, помилуй, Господи, помилуй. Еще молимся о богохранимей стране нашей, Властех и воинстве ея, да тихое и безмолвное житие Поживем во всяком благочестии и чистоте. Господи, помилуй, Господи, помилуй, Господи, помилуй. Не хотяй смерти грешных, но еже обратитися и Живым им быти, пощади и помилуй рабов Твоих, Прежде даже не умрети им безгодно лютою смертью от Губительнаго зелия, сиречь наркотиков, Крепкого винного пития. Вразуми их, да разумеют, яко сие от дьявола есть, Иже яко лев рыкая, ищет, кого погубити. Но предвари, Господи, и спаси их, Яко связаны суть страстию. Помози им возстати на путь благочестия во спасение, Молим Ти ся, всемилосердый Господи, Услыши и помилуй. Господи, помилуй, Господи, помилуй, Господи, помилуй. Призри, Господи, милостивно на рабов Твоих, Прельщенных лестию чрева и плотскаго веселия. Даруй им познати сладость воздержания в посте и Проистекающих от него плодов, молим Ти ся, Услыши помилуй. Господи, Господи, помилуй, Господи, Помилуй. Еще молимся Ти, Господу Богу нашему, о еже услышати глас молитвы Нашея и пощадити и помиловати рабов Твоих, простити им всякое прегрешение вольное и Невольное, показати на них великую Твою милость, И избавити их от всякия зависимости и насилия Дьявола, и помиловати их. Рцем вси, Господи, услыши и Помилуй. Господи, помилуй, Господи, помилуй, Господи, помилуй. Ангельскими руками верховнаго Ученика, Господи, из темницы Божественною силою Иногда изведы, избави рабов Твоих, Люте страждущих от недуга винопития и наркомании. Рцем вси, Господи, услыши и Помилуй. Господи, помилуй, помилуй, Господи, Помилуй. Еще молимся за всю братию и за вся Христианы. Господи, помилуй, Господи, помилуй, Господи, Помилуй. Услыши ны, Боже, Спасителю наш, Упование всех концев земли и сущих в море далече, И милостив, милостив буди, Владыко, О гресех наших, и помилуй ны. Милостив бо и человеколюбец Бог еси, И Тебе славу возсылаем, Отцу и Сыну и Святому Духу, ныне и присно и во веки Веков. Аминь.