Сугубая ектения (Сербский напев)

Рцем вси от всея души и от всего помышления Нашего рцем. Господи, помилуй! Господи, Вседержителю, Боже отец наших, Молимся, услыши и помилуй. Господи, помилуй! Помилуй нас, Боже, по велицей милости Твоей, Молимся, услыши, помилуй. Господи, помилуй, Господи, помилуй, Господи, помилуй. Еще молимся о великом господине и отце нашем Святейшем Патриархе Кирилле и о экзархе его Господине отце нашем Высокопреосвященнейшем Митрополите Филарете и о всей во Христе братии Нашей. Господи, помилуй, Господи, помилуй, Господи, помилуй. Еще молимся о богохранимей стране нашей, Властех и воинстве, и народе ея, Да тихое и безмолвное житие поживем во всяком Благочестии и чистоте. Господи, помилуй, Господи, помилуй, Господи, помилуй. Еще молимся о братиях наших, священницех, Священномонасех и о всем во Христе братстве Нашем. Господи, помилуй, Господи, помилуй, Господи, помилуй. Еще молимся о блаженных и приснопамятных святейших Патриарсех православных и о создателех святыя Обители сея, и о всех прежде почивших отцех, Братиях и сестрах, зде лежащих и повсюду Православных. Господи, помилуй, Господи, помилуй, Господи, помилуй. Еще молимся о милости, жизни, мире, Здравии, спасении, посещении, прощении оставлении Грехов рабов Божиих, братий, сестер и прихожан Святыя обители сея. Господи, помилуй, Господи, помилуй, Господи, помилуй. Еще молимся о плодоносящих и добродеющих во святем и Всечестнем храме сем труждающихся, Поющих и предстоящих людех, ожидающих от Тебе Великие и богатые милости. Господи, помилуй, Господи, помилуй, Господи, помилуй. Яко милостив и человеколюбец Бог еси, И Тебе славу возсылаем, Отцу и Сыну и Святому Духу, ныне и присно и во веки веков. Аминь.