«И всех, и вся», Просительная ектения (Староболгарский напев)

В первых помяни, Господи, великаго господина и отца Нашего Кирилла, святейшего патриарха Московского и Всея Руси и господина и отца нашего Высокопреосвященнейшего Филарета, Митрополита Минского и Слуцкого, Патриаршего экзарха всея Беларуси, Ихже даруй святым Твоим Церквам в мире целых, Честных, здравых, долгоденствующих, Право правящих, слова Твоея истины. И всех. И даждь нам едиными усты и единым сердцем Славити воспевати пречестное и великолепое имя Твое, Отца и Сына и Святаго Духа, ныне присно и Во веки веков. Аминь. И да будут милости великаго Бога и Спаса нашего Иисуса Христа со всеми вами. И со духом твоим. Вся святые помянувше, паки и паки миром Господу помолимся. Господи, помилуй! О принесенных и освященных честных дарех Господу Помолимся. Господи, помилуй! Яко да Человеколюбец Бог наш, прием я во святый Пренебесный мысленный Свой жертвенник, Воню благоухания духовнаго, вознизпослет нам Божественную благодать и дар Святаго Духа, Помолимся. Господи, помилуй! О избавитися нам от всякия скорби, Гнева и нужды Господу помолимся. Господи, помилуй! Заступи, спаси, помилуй и сохрани нас, Боже, Твоею благодатию. Господи, помилуй! Дне всего совершенна, свято, мирно и безгрешно у Господа просим. Подай, Господи! Ангела мирна, верна, наставника, Хранителя душ и телес наших у Господа Просим. Подай, Господи! Прощения и оставления грехов и прегрешений наших у Господа просим. Подай, Господи! Добрых и полезных душам нашим и мира мирови у Господа просим. Подай, Господи! Прочее время живота нашего в мире и покаяния Скончати у Господа просим. Подай, Господи! Христианския кончины живота нашего, Безболезненны, непостыдны, мирны и добраго ответа на Страшнем судищи Христове просим. Подай, Господи! Соединение веры и причастие Святаго Духа испросивши, Сами себе и друг друга, и весь живот наш Христу Богу предадим. Тебе, Господи!