Не пайда

Көгелдір көлден не пайда? Жағасы жайсаз жар болса, Су ашып Алғаз киегі таяз тар болса. Көк аспаннан не пайда? Көгінде күн күнмесе, Қыздар жиған Мақтадай ақша бұлттар жүрмесе. Биік таудан не пайда? Шыңында ақ қар жатпаса, Сылдырап аққан тау Суын сүйсеніп балдай татпаса. Жайқалған баудан не пайда? Жемісін жазда татпаса, Шаршап бір келіп Жұмыстан саясында жатпаса. Шарық күннен не пайда? Үйіңде таңың атпаса, Бұл өмірде қызық Не, қызығын шулап жатпаса. Байлықтан жиған не пайда? Артыңда ұрпақ қалмаса, Түн ұйқыңды Бүлгізген сәбиден қолың талмаса. Ер жігіттен не пайда? Қолына қару алмаса, Елін, жарын, Туғанын дұшпаннан сақтап қалмаса. Ақылды ұлдан не пайда? Паталы сөзді ұқпаса, Арақ ішіп мас Болып, үлкенді үлгі тұтпаса. Бір туғаннан не пайда? Бірлігі оның болмаса, Ыстыққа бірге Жылынып, суыққа бірге тоңбаса. Ағайыннан не пайда? Көре алмай сені күндесе, Фәнидің жалған Екенін тірлікте ойлап білмесе. Сансыз достан не пайда? Жаныңды сенің сезбесе, Шындықты бірге Іздесіп, қиындықты төзбесе. Жастық шақтан не пайда? Жалындап бір жан баса, Айлы түнде қыдырып, Махаббатқа қан баса. Кәріліктен не пайда? Қартайып қызық көрмесе, Асырап баққан Ұл-қызын қарызыңды өтеп бермесе. Сұлу қыздан не пайда? Ресторан жанын қорласа, Дол үшін Әркіммен ар-намысын қорласа. Сұлу жардан не пайда? Бірлік пен ісі болмаса, Іздеп бір досың Келгенде, иелің төсек салмаса. Көп білгеннен не пайда? Пайдасыз істе сақтасаң, Жастарды жиып Қасыңа, білгеніңді айтпасаң. Мен бақылдан не пайда? Тыңдайтын жан болмаса, Білімдіден шыққан сөз Жүрекке барып қонбаса. Ойымды жинап келгенде, айтарым саған Азамат, Мұратыңа жетпесең, Жамандыққа беттесең, Ақыл айтқан Адамға өзім білем кеткесең, Бұл Өмірден не пайда, халқыңа қызмет Етпесең. Бұл фәниден не пайда, бұл жалғаннан не пайда, Халқыңа қызмет етпесең. Бұл фәниден не пайда, бұл жалғаннан не пайда, Халқыңа қызмет, халқыңа қызмет Етпесең.