Акафист "Слава Богу за всё"

Господи, Боже небесный, Создателю мира и Творче Мой святый, Троице Единице преславная, Приими моление Мое. Се верую Тя и Покланяюся Ти; Благодарю Тя и смиренно Славлю Тя, аз недостойный Раб Твой, яко вся Премудростию Ты Сотворил еси, Из небытия бытие Дивно привел еси, яко Восхоте. Еще же и человека Сотворил еси по Образу и подобию Своему, и се Глаголю Ти смиренно: Аллилуиа, аллилуиа, Аллилуиа. Ангельские воинства воспевают Тя неустанно и славит Тя всякое дыхание. И что прибавит похвала моя к совершенней славе Твоей, Боже, Царю небесе и земли? О единый Предвечный, кто бе советником Тебе, Когда полагал еси основание мира? Благостию Твоею сотворил еси человека, Да наслаждается, пребывая в любви Твоей, Преступившу же заповедь Твою святую, Не предал еси того смерти вечной, О Боже мой, Святая небесные любы. Но в стране изгнания пребывая ныне, По отечеству небесному томлюся и скорблю зело, Яко не могу зрети Тя, преславного Создателя моего, Грехми отягчаем. Обаче же верою зрю Тя и Тебе единому, Милостивый Боже мой, приношу хваление сие. Слава Тебе, Боже, сотворившему вся; Слава Тебе, яко слава Твоя пребывает Превыше небес. Слава Тебе, сотворивый сущая из Несущаго; слава Тебе, Вся возславый из небытия в бытие. Слава Тебе, одеяйся светом яко Ризою; слава Тебе, яко Создал еси человека по образу и подобию Своему. Слава Тебе, вознесший человека превыше видимого Мира; Слава Тебе, нарекий тварь Богом. Пресвятая Троице, Боже Наш, слава Тебе! Видя грехов моих множество, суда Твоего боюся, Душу имый страстьми и беззаконьми недугующу, Ихже и не помню вся. Но прежде, нежели осудиши мя, помилуй, Милосерде Господи, и прежде, нежели предстати Тебе, Очисти и исцели мя, Спасе. Аз бо на земли еще сый, молютися смиренно: Посреде грешников первых есмь аз, Не воздай ми по делом на суде Твоем праведнейшем, Но оком благоутробным призри на мя, И оправдай и помилуй, и одесную Себе постави мене Недостойного со избранными Своими; Тебе бо ежечасно взываю: аллилуиа. Аллилуиа, аллилуиа, Аллилуиа. Разум немощный ношу и попечениями суетными Отягченный, и не имея благаго кормителя Помышлений моих, плачуся к Тебе, Спасе: рассеянный ум мой собери, Господи, и омертвевшую душу оживи, Яко Петру даяй ми покаяние, яко мытарю Воздыхание и яко блуднице слезы; Буди ми Пастырь, и яже помыслити, Яже глаголати и яже творити настави мя, К Тебе бо единому прибегох и вопию Ти: Господи, даруй ми зрение грехов Моих, Господи, да живет во мне память моей. Познати, что есть кротость и Смирение. Господи, исцели мя от ран нечистых Помышлений. Господи, посли благодать Твою в помощь мне Грешному. Господи, просвети и освяти Разум мой. Господи, омый мя слезами святаго Покаяния. Господи, во одежды чистоты и нетления Облецы Мя. Господи, помилуй мя, Грешнаго. По велицей милости Твоей. Силою десницы Твоея, о Троице Пресвятая, Нераздельное существо и неслиянные лицы, Содержиши мир. Прославляю Тя и смиренное благодарение возсылаю Ти, яко человека во гресех живущаго не Оставляеши, но присно обращения заблуждшаго Чаеши, наипаче же Сына Единороднаго Господа нашего Иисуса Христа на спасение людей Твоих в мир послал еси. Благодарю Тя, яко кающихся милостивно приемлеши И возлюбленные чады нарекаеши. Сего ради усердно взываю Ти: аллилуиа. Аллилуиа, аллилуиа, Аллилуиа. Имея ко грешникам Божие милосердие множество, Открыл еси мне во время оно, яко Ты еси Бог и вся твориши благостию Своею. И аз познах в той час и ныне твердо Верую, яко Ты еси любы, превечная, Сотворшая мир. Возрадовашася о сем душа моя, и аз смиренно Ти Глаголю. Яко нечаянно и милостивно пришел еси ко мне, Недостойному, благодарю Тя. Яко грех моих не помянул еси, благодарю Тя. Яко ниспослал еси мне грешному Духа Твоего Святаго, Благодарю Тя. Яко приял мя еси милостивно, аки младенца на руце, Благодарю Тя. Яко показал ми еси любы Твою и яко благ Еси, благодарю Тя. Яко пути спасения научаеши мя, Благодарю Тя. За скорби и болезньми милостиве, Благодарю Тя. За мир и радость, ихже ми даеши по Милости Твоей, благодарю Тя. Слава и Благодарение Тебе, Боже, за вся. Бурею недоумения объят сый ум мой, Како возможно сие, яко хощеши показати Чистым сердцем лице Свое. О Боже, Троице предивная, Отче, Сыне и Душе Святый, Единице нераздельная! О Блаже, отверзаяй уста твари, Да взывает ко Творцу своему! О непостижимый Боже, даровавый созданию благословити Создателя своего! Но очисти, Боже, молю Тя, очисти сердце мое и Душу. Хощу бо зело любити Тя и с Тобою Пребывати присно. Спаси мя, Господи, ради милости Твоея премногия, Имже еже с веси судьбами, и жизни вечныя Сподоби, да со Ангелы и всеми святыми Воспеваю Тебе и аз недостойный: Аллилуиа. Аллилуиа, аллилуиа, Аллилуиа. Слышаша вернии во святом благовестии чудное Промышление Твое, яко всяко благо обращаеши И спастися всем хощеши. Темже дивяся глаголю: да святится, Боже, имя Твое славное, да приидет Царствие Твое святое, да будет воля Твоя благая, Яко на небеси на земли. Вси дела руку Твоею, Боже, и аз на Тя Точию уповаю и имя Твое святое призываю Выну. Помощниче мой и покровителю, Буди мне во спасение. Се мой Бог, и прославлю Его, Бог предивный, И вознесу Его, славно бо прославися. Слава Тебе, дивному во святых Своих. Слава Тебе, яко смиряеши человеки, Да воззовут к Тебе. Слава Тебе, взыскующему сердца Чистыя. Слава Тебе, зело любящему души Смиренныя. Слава Тебе, едине великий и Славный. Слава Тебе, едине тихий и милостивый, В непостижимой славе Своей. Слава Тебе, едине святый и Истинный. Слава Тебе, едине благий и Совершенный. Пресвятая Троице, Боже Наш, слава Тебе. Божиим словом земная и небесная создашася. Человека же паче всех возлюбив Творец, Образ Свой даде ему и подобие и Духом Своим Освяти. Ныне же непрестанно зовеши ны, Господи: приидите ко Мне, и Аз упокою вы. Вем, яко путь еси, истина и живот вечный, Христе. Но присно от Тебе уклоняюся во Своеволие греховнем на страну далече, И душа моя, яко пустыня безводная, Жаждет познати волю Твою и напоитися Благодатию Твоею, и зовет: Аллилуйя. Аллилуйя, аллилуйя, Аллилуйя. Видиши, Господи, яко деянии и помыслы греховными Погубих аз души красоту и чистоту первозданныя. Но обнови я, о Творче мой, да славлю Тя, К Тебе бо припадаю, Господи, и молюся Ти, Да милостивным оком призриши на мя во вся дни Живота моего. Тебе бо единому взываю неустанно. Господи, очисти беззакония моя. Господи, избави мя от помыслов Суетных. Господи, угаси пламень страстей моих душевных и Телесных. Господи, сердце чисто созижди во мне. Господи, без благоволения Твоего и помощи не Остави мене. Господи, Духа Твоего Святаго не отыми от мене, Недостойного. Господи, пребуди со мною милостию Твоею ныне и во Веки. Господи, твори со мною по воле Твоей, Яже присно есть благословена. Господи, помилуй мя, Грешнаго, по велицей Милости Твоей. Проповедницы явившеся апостоли святыя тайну Воплощения Твоего, Спасе, открыша миру. Но како быти может, яко едина от Троицы Святыя Человек на земли явися? О како Бог Сый плотию человече ко кресту пригвоздися И стражда! Зрю Господа в саду Гефсиманстем, Колена преклоненна, и пот Его, Яко капли крови, падающие на землю. Зрю Бога моего на кресте, и руце, И нозе Его святою кровию божественною омывахуся. О кроткий и смиренный Владыко мира! Сие сотворил еси любве ради Твоея и послушания Отцу Небесному и рекл еси Тому: прости им, Отче. Сего ради спасаеши, Милостиве, Вся люди Твоя, и мене спаси грешнаго, Вся бо можно Тебе. Страстем Твоим покланяюся, Владыко, И святое Воскресение Твое славлю и глаголю Умиленно: аллилуйя. Аллилуйя, аллилуйя, Аллилуйя. Воссия нам просвещение истины в Церкви Твоей Святей, И ныне зрю в храме Твоем, Сыне Боже, Чашу святую и верую всею душею моею и Помышлением, яко сие есть самое пречистое Тело Твое И сия есть самая честная Кровь Твоя. Како, грешен сый, зрю Невидимаго, Прикасаюся Неприкосновенному, и уста моя и чрево Вмещает Невместимого небесами? О бездна благости Твоея, Боже! О неисповедимость любве Твоея, Человеколюбче! Яко даровал еси твари вкушати Плоти Бога своего и Крови Его честныя, да божится и жива Будет. Но дивлюся, како сие быть может. Тайна сия велика есть, и яже в той час В человеце вершиши Ты един ведаеши. Аз же смиренно покланяюся Ти и благодарю Тя Тако. Яко в Таинстве Крещения чада Своя нарицаеши, Благодарю Тя. Яко Тело и Кровь Твои честныя нам Доверяеши, благодарю Тя. Яко молитвы нас грешных не отвергаеши, Благодарю Тя. Яко по сих незримо ны благословляеши, Благодарю Тя. Яко согрешения отпущения мне силою Своею даруеши, благодарю Тя. Яко мене, недостойного, Тела и Крови Своих Причащаеши, благодарю Тя. Яко Любы еси неизреченная, благодарю Тя. Яко Свет еси во откровении и во сынов, Благодарю Тя. Слава и Благодарение Тебе, Боже, за вся. Хотяй уловити во спасение народы вся, Духа Твоего Святаго Апостолы исполнил еси. И аз смиренно молюся: Царю Небесный, Прииди и вселися в ны, и от всякия скверны Очисти ны, и сотвори храмы Твоя святыя и истинныя, В нихже Ты пребывати возлюбиши, И не отлучайся от нас никогдаже, Прошу Тя, и твори волю Твою святую во мне И чрез мене, недостойного раба Твоего, Да прославится имя Твое, Боже, На земли, яко на небесех, и да зовут Тебе Вси: аллилуиа. Аллилуиа, аллилуиа, Аллилуиа. Дивна дела Твоя, небесный Боже, И Тебе подобает слава, Тебе подобает пение, Тебе подобает поклонение и честь, И паки слава бесконечная, славословие великое, Боже мой премилостивый, преблагий, Предивный! Мне же, падшему созданию Твоему, Плакати належит о гресех моих и недостоинстве моем. Но не остави мене, Любы Небесная, О помози мне, падшему, благий Боже: Се бо несть жизнь, яже без Тебе, Но смерть воистину. И молюся Ти: по милости Твоей велицей исцели, Помилуй и спаси мя грешнаго, о Боже мой, И живота вечнаго сподоби, идеже веселящихся жилище и Бесконечная сладость зрящих Твоего лица доброту Неизреченную. Аз же на Тя уповаю зело и Тебе, Святаго Бога, недостойный раб, Восхваляю тако. Слава Тебе, полагающу милость Твою на всем деле Рукою Своею. Слава Тебе, покрывающему вся Благостию. Слава Тебе, человеком вся беззакония Прощающему. Слава Тебе, толико возлюбищему творение Твое. Слава Тебе, ведущему сокровенная Помышления сердец. Слава Тебе, яко не желаеши погибели создания Своего, но еже всех Спасти. Слава Тебе, врагов Своих Возлюбивый. Слава Тебе, заповедавый нам молитися за Оскорбляющия ны. Пресвятая Троице, Боже Наш, слава Тебе! Странна Троицы Святыя таинства и умы Непознаваема. Тебе в трех Лицах, Единому Богу моему, Преславно покланяюся, у Тебе прошу прощения многих Моих прегрешений, к Тебе плачущ-К Тебе плачуся, Зряще мое велие падение и немощи, Яко сам аз не могу исцелитися, Ниже возстати. Но Ты, Создателю мой, паче мене сие веси, И Ты един помощи ми можеши, яко несть греха, Превосходящаго милосердие Твое. Се, припадаю к Тебе, Боже милостивый, И из глубины души взываю Ти со слезами: Очисти мя, Создателю мой преславный, И исцели освяти мя, и помози мне, Грешному, Тебе единаго любити всем сердцем моим и Помышлением, и всею душею моею, И никогда же уклонятися на злая. О, помози ми, Создателю! Тебе бо воспеваю: аллилуиа. Аллилуиа, аллилуиа, Аллилуиа. Ведаеши, Боже, вся моя беззакония, И несть греха, иже укрыется от Тебе, Сердцеведче, но и воздыхание мое слышиши и Моление приемлеши. Что возмогу сотворити, аще не имам помощи Твоея? Кое благо имам, аще не подаси ми? Како и спастися могу, аще не по милости Твоей И снисхождению ко грешнику кающуся? Нищ и убог есмь от дел благих нерадения моего Ради и лености, и ничтоже имам пред Тобою. Слез Адамовых не стяжах и покаянию праведных не Тщуся подражати, Еще и делы и словесы своими присно огорчаю Тя. Но приими убо воздыхание души болезнующия и дай мне Познать любовь Твою и безмерную благость. К Тебе бо единому взываю. Господи, прости ми вся прегрешения моя, О нихже сокрушаюся зело. Господи, помилуй мя, и наипаче милуй мя Присно. Господи, настави мя на всяко дело Благо. Господи, возстави мя от лености к Твоему Славословию. Господи, созижди во мне сердце Чисто, Творче мой, и Спаси мя по Своей велицей любви. Господи, даруй ми творити волю Твою во славу Твою. Господи, даждь ми благодать Твою, Да горит душа моя любовию. Господи, помилуй мя, Грешнаго, по Велицей милости Твоей. Вся чины ангельские хвалу приносят Тебе, Боже преславный, на небеси, аз же, Раб Твой, благодарю Тя о всех благодеяниях Твоих, На пути земнем мне бывших, всякий день бо Ими полнится. Недостоин есмь, Господи, любви Твоея и благости Премногия, но и паки, Спасе, не отвратися от Мене сквернаго и никогда же отыми от мене милости Твоея богатыя. Тебе бо, Благодетелю благий, взываю: Аллилуиа. Аллилуиа, аллилуиа, Аллилуиа. Витийствовати не может ум мой, Яко омрачен есть житейскими страстьми. Зову Ти песнию ангельскую: Свят, Свят, Свят еси, Отче, Сыне и Душе Святый, Единице присно покланяемая, Боже наш. Аз, грешный, создание Твое на земли сей, По Тебе томлюся зело, и Тебе единаго ищу, К Тебе, о Творче мой, со слезами припадаю и Молю Тя: Боже мой, помози мне грешному не любити Мира сего, но Тебе, единаго возлюбите Бога Моего, возлюбити Тя всем сердцем моим, Всем умом моим, всею душею моею, О Тебе едином помышляти и молитися Тебе Непрестанно и подвизатися усердно до последнего Моего издыхания. Ты же настави мя присно на деяния благая, Соблюдая мя от всякаго греха неизреченным Твоим Человеколюбием. Ты царствуй во мне, благий Господи, И всего Твоего мя быти и по воли Твоей Жити благоволи ми, да зову Тебе: Яко Спасе грешныя милостивно пришел еси, Благодарю. Яко мя заблуждшаго нечаянно взыскал еси, Благодарю Тя. Яко греси мне кающуся милостивно прощаеши, Благодарю Тя. Яко благодатию Твоею мя покрываеши, Благодарю Тя. Яко признанный любовию Твоею да зираюши, Благодарю Тя. Яко и о Нзи грехми отпадшия не забываеши, Благодарю Тя. Яко живота вечнаго надежду имамы Тебе, Благодарю Тя. Яко и земное благо подаеши нам на всякий День, благодарю Тя. Слава и Благодарение Тебе, Боже, за вся. Спасти хотя создание Свое на земли явился еси, Свете Тихий, Святые Славы Небесного Отца Своего. Нас ради страдания и крест претерпел еси. Тем же и во аде томимыя извел еси, И Матерь Свою нам Предстательницу явил еси. Церкви же Твоей Духом Святым разумети тайны Божественные подаеши. Сего ради похвала наша Ты еси помощник и Просвещение. Тем же радуемся вси о Бозе нашем дивнем, Преблагом и преславнем, и зовем: Аллилуиа. Аллилуиа, Аллилуиа, Аллилуиа. Царю преславный небесе и земли, Из земли создавый человека и даровавый ему познать Себе Духом Святым, разбойника покаявшася Рая сподобивый, и народы во тьме идольской Томившиеся к Своему славословию призвавый, Призри милостивным оком на люди Своя и за обращение Малое даруй милость великую. Утверди нас во благодати Твоей, Да не погибнем, но в живот вечный возродимся и Присно поем Ти. Слава Тебе, Святый Боже, Святый Крепкий, Святый Безсмертный. Слава Тебе, премнога возлюбившиму создание Свое. Слава Тебе, предвижущему не сущая яко Сущая. Слава Тебе, зрящему тысящу лет яко День един. Слава Тебе, Единому, Сильному и Крепкому. Слава Тебе, Всеведущему и Всемогущему. Слава Тебе, Благому и Милостивому Создателю Мира. Слава Тебе, Единому Присно Царствующему. Пресвятая Троице, Боже Наш, слава Тебе. Пение всеумиленное приношу Ти, Милостивый Господи. Вем аз милосердие Твое, в трех Лицах Единый Боже, И память Твоя греет душу мою, и влечется душа Моя возлюбити Тя. И хощу аз, зело хощу любити Тя, Но яже хощу я яко подобает, тако не люблю Отнюд. Множество помышлений суетных довлеет Во уме моем, и аз отпадаю от Тебе непрестанно. Очисти, о Творче, ум мой и сердце, И душу мою освяти, Святый Боже, Да возлюблю Тебе Единого. Тебе бо в покаянии зову: Аллилуиа. Аллилуиа, Аллилуиа, Аллилуиа. Свет Сый небесный, пришел еси к сущим во тьме Неведения, Владыко мой Преблагий, Милостивый Создателю мой. Тем же молюся Ти: просвети и мене светом Твоим, Яко не жити мне пред человеками, Но пред Тобою Единым. И да не помышляю аз, окаянный, Показатися святым пред людьми, Но да плачуся к Тебе точию, Сердцеведче Благий, Слезами покаяния истиннаго. Даждь ми грешному, Боже, зрети грехи моя и Недостоинство мое. Даждь ми сокрушение сердечное и слезы, Да теми омыется душа моя от скверны и во Одежди чистей обрящется пред Тобою, Небесный Женише. Тебе бо Единому взываю. Господи, прости ми вся грехи. Господи, милостив буди ко мне грешному. Господи, никогда же отлучайся мене, Раба Твоего, но присно во мне Пощивай. Господи, от гордости, лицемерия и прочия скверны Очисти мя. Господи, посли благодать Твою в помощь мне Грешному. Господи, научи мя творити волю Твою. Господи Святый, посети и исцели немощи Моя. Господи, даруй ми грешному дух смирения и Святой любви. Господи, помилуй мя Грешнаго по Велицей милости Твоей. Благодать подаждь ми и благоволение Твое на пути Жизни моей, Боже Небесный, Премилостивый Творче и Создателю мира! Да возгорится в душе моей ленивей и окаянней пламень Твоея любви, дабы Тебе Единому, Жизнодавче Благий, дыхание мое, Упование мое, любы святая, Небесная, Благодетелю мой Премилостиве, служити и к Тебе Выну зрети, и пребывати с Тобою, И творити во всем волю Твою. И никогда же отыми от мене святые милости Твоя, Да ими укрепляем, достигну в славу Твою невечернюю, И тамо воспеваю во веки: аллилуия. Аллилуия, аллилуия, Аллилуия. Пети не престану чудес Твоих и милости пучину Неизследимую, Господи. Ты бо еси Бог мой, Ты мое радование, Ты крепость моя и спасение. Аще грехми своими распинаем Тя, Прощаеши ны и милость Свою подаеши. Аще отступаем от Тебе и предаем Тя, Но Ты не оставляеши нас. Любовь Твоя присно мир созидает, Благость Твоя содержит вся, Духом Твоим движется Видимая и невидимая. Даруй же ми присно пети Тебе. Яко от персти тленныя во блаженство вечное привел мя Еси, благодарю Тя. Яко святы истинными открыл еси, Благодарю Тя. Яко сладка любы Твоя, благодарю Тя. Яко питаеши небесная и земная Твоею благостию, Благодарю Тя. Яко вся создания борзе строши, Благодарю Тя. Яко ко спасению человеки уловляеши, Благодарю Тя. Аще хощеши имети мя во свете, благодарю Тя. Аще хощеши сокрытися от мене, Да познаю немощь человечу, благодарю Тя. Слава и Благодарение Тебе, Боже, за Вся.