Фрагмент письма Иоанна IV Грозного князю Андрею Курбскому: Свет во тьму прелагати и сладкое горько прозывати

Света же тму прилагати не тщуся и Сладкое горькое не прозываю. А се ли тьма или горькое, еже от Бога Данному государю владети, о нем же много Словеса напреди пространнейша Явлена. Все бо едино, обращая разными словесы, Во своей бо составной грамоте писал еси, Похваляя, еже рабом мимо Господи Своих владети. Тщу же ся со усердием люди на истину и На свет наставити, да познают единаго Истинного Бога, в Троице славимого и от Бога данного им государя, А от междоусобных браней нестроптивого Жития да престанут, имиже царствие Растлеваются. Се ли убо горько и тьма, Яко от злых престати и благая творити? Но се есть сладко и свет. Аще убо царю не повинуются подовластные, Никогда же от междоусобныя брани не престанут. Се убо злоба, обычай сам себе хапати, Сам не разумея, что сладко свет, Что горько тьма, и иных поучает. Или се есть сладко и свет, Яко от благих престати и злая творити Междоусобными браньми и самовольством. Всем явлена суть, Яко несть свет, но тьма, и несть сладко И горько. О провинении же и прогневании подовластных наших Пред нами. Доселе русские обладатели нестязуемы были ни от Когоже, но вольны были подовластных жаловати И казнити, а не судилися с ними и ни Перед кем. Аще же и подобает рещи о Винах их, ино выше реченно Есть.