Ночная защита

Сына Твоего, Бога нашего, и за страстную мою душу И Твоими молитвами настави мя на деяния благая, Да прочее время живота моего без порока прейду и Тобою рай да обрящу. Богородице Дево, едина Чистая и Благословенная! Ангеле Христов, хранителю мой святый и покровителю Души и тела моего, вся ми прости, Елика согреших во нынешний день, И от всякаго лукавствия противна ми врага избави мя, Да ни в коемже гресе прогневаю Бога моего; Но моли за мя, грешнаго и недостойна раба, Яко да достойна мя покажеши благости и милости Всесвятыя Троицы и Матери Господа моего Иисуса Христа и всех святых. Аминь. Взбранной Воеводе победительная, Яко избавльшися от злых, благодарственное восписуем Ти раби Твои, Богородице, но яко имущая державу Непобедимую от всяких нас бед свободи, Да зовем Ти: радуйся, Невесто Неневестная. Преславная Приснодево, Мати Христа Бога, Принеси нашу молитву Сыну Твоему и Богу нашему, Да спасет Тобою души наша. Все упование мое на Тя возлагаю, Мати Божия, сохрани мя под кровом Твоим. Богородице Дево, не презри мене, Грешнаго, требующа Твоея помощи и Твоего Заступления, на Тя бо упова душа моя, И помилуй мя. Упование мое Отец, прибежище мое Сын, Покров мой Дух Святый, Троице Святая, Слава Тебе. Владыко Человеколюбче! Неужели мне одр сей гроб будет, Или еще окаянную мою душу просветиши днем? Всем и гроб предлежит, всем и смерть предстоит. Суда Твоего, Господи, боюся и муки безконечныя, Зло, еже творя, не престаю. Тебе, Господа Бога моего, всегда прогневляю и Пречистую Твою Матерь, и вся Небесные Силы, И святаго ангела хранителя моего. Вем убо, Господи, яко недостоин есмь человеколюбия Твоего, но достоин всякаго осуждения и муки. Но, Господи, или хощу или не хощу, Спаси мя. Аще бо праведника спасеши, Ничтоже велие, и аще чистого помилуеши, Ничтоже дивно: достойнии бо суть милости Твоея. Но на мне, грешнем, удиви милость Твою, О сем яви человеколюбие Твое, да не одолеет моя Злоба Твоей неизглаголанной благости и милосердию, И якоже хощеши, устрой мне.