Умиротворение

Просвети очи мои, Христе Боже, Да не когда усну в смерть, да не когда Речет враг мой: укрепихся на него. Слава Отцу и Сыну и Святому Духу. Заступник души моя буди, Боже, Яко посреде хожду сетей многих, И избави мя от них и спаси мя, Блаже, Яко Человеколюбец. И ныне, и присно, и во веки веков, Аминь. Преславную Божию Матерь и святых Ангел Святейшую немолчно воспоим сердцем и усты Богородицу Сию, исповедающе, яко воистину рождшую нам Бога Воплощенна и молящуюся непрестанно о душах наших. Да воскреснет Бог, и расточатся врази Его, И да бежат от лица Его ненавидящи Его. Яко исчезает дым, да исчезнут; Яко тает воск от лица огня, тако да погибнут Беси от лица любящих Бога и знаменующихся крестным Знамением в веселии глаголющих: Радуйся, Пречестный Животворящий Кресте Господень, Прогоняяй бесы силою на тебе пропятаго Господа Нашего Иисуса Христа, во ад сшедшаго и поправшего Силу диаволю, и даровавшаго нам тебе, Крест Свой Честный, на прогнание всякого супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со Всеми святыми во веки. Аминь. Ослаби, остави, прости, Боже, прелюшения наша вольная и невольная, Яже в слове и в деле, яже в ведении И не в ведении, яже во дни в нощи, Яже в уме и помышлении: вся нам прости, Яко Благ и Человеколюбец. Ненавидящих и обидящих нас прости, Господи Человеколюбче. Благотворящим благо сотвори. Братиям и сродником нашим даруй яже ко спасению Прошения и жизнь вечную. Немощных сущия посети, исцеление даруй. Иже на мори управи. Путешествующим спутешествуй. Служащим и милующим нас грехов оставление даруй. Заповедавшим нам недостойным молитися о них помилуй По велицей Твоей милости. Помяни, Господи, прежде усопших отец и братий наших И упокой их, идеже присносветит свет лица Твоего. Помяни, Господи, братий наших плененных и избави от Всякаго обстояния. Помяни, Господи, плодоносящих и доброделающих во Святых Твоих церквах, и даждь им яже ко спасению Прошения и жизнь вечную. Помяни, Господи, и нас, смиренных и грешных, И недостойных раб Твоих, и просвети наш ум светом Разума Твоего, и настави нас на стезю