Достойно есть

Слава Тебе, Боже наш, слава Тебе. Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, Прииди вселися в ны, очисти ны от Всякия скверны, и спаси, Блаже, Души наша. Святый Боже, Святый Крепкий, Святый Безсмертный, Помилуй нас. Святый Боже, Святый Крепкий, Святый Безсмертный, Помилуй нас. Святый Боже, Святый Крепкий, Святый Безсмертный, Помилуй нас. Слава Отцу и Сыну и Святому Духу, И ныне, и присно, и во веки веков. Аминь. Пресвятая Троице, помилуй нас; Господи, очисти грехи наша; Владыко, Прости беззакония наша; Святый, Посети и исцели немощи наша, имене Твоего Ради. Господи, помилуй. Господи, помилуй. Господи, помилуй. Слава Отцу и Сыну и Святому Духу, И ныне, и присно, и во веки веков. Аминь. Отче наш, Иже еси на небесех! Да святится имя Твое, да приидет Царствие Твое, Да будет воля Твоя, яко на небеси и на Земли. Хлеб наш насущный даждь нам днесь; И остави нам долги наша, якоже и мы Оставляем должником нашим; и не введи нас во Искушение, но избави нас от лукаваго. Аминь. Помилуй нас, Господи, помилуй нас. Всякаго ответа недоумеюще, сию Ти молитву Яко Младенцы грешнии приносим: Помилуй нас. Слава Отцу и Сыну и Святому Духу. Господи, помилуй нас, на Тя бо уповахом; Не прогневайся на ны зело, ниже помяни беззаконий Наших, но призири ныне яко благоутробен, И избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем. И ныне, присно, и во веки веков. Аминь. Милосердия двери отверзи нам, Благословенная Богородице, надеющиися на Тя да Не погибнем, но да избавимся Тобою от бед: Ты бо еси спасение рода христианскаго. Пречистому образу Твоему покланяемся, Благий, просяще прощения прегрешений наших, Христе Боже, волею бо благоволил еси плотию Взыти на крест, да избавиши яже создал еси от Работы вражия. Темже благодарственно вопием Ти: Радости исполнил еси вся, Спасе наш, Пришедый спасти мир. Милосердия сущий источник, милостив удоби Нас, Богородице, призри на люди согрешившия, Яви яко присно силу Твою, на Тя бо Уповающе, радуяся вопием Ти, якоже Иногда Гавриил, безплотных Архистратиг.