Молитва о всякой семейной и бытовой нужде Ксении Петербургской

Молитва святой блаженной Ксении Петербургской о Всякой семейной и бытовой нужде. Тропарь, глас седьмый: "Нищету Христову возлюбивши, безсмертныя трапезы Ныне наслаждаешися, безумием мнимым безумие мира Обличивши, смирением крестным силу Божию восприяла Еси, сего ради дар чудодейственныя помощи стяжавшая, Ксения блаженная, моли Христа Бога избавитися нам от Всякого зла покаянием". Кондак, глас третий: "Днесь светло ликует град святаго Петра, Яко множество скорбящих обретают утешение, На твоя молитвы надеющеся, Ксения всеблаженная, Ты бо еси граду сему похвало и утверждение". Молитва первая: "О, святая блаженная мати Ксение, Под кровом Всевышнего жившая, ведомая и укрепляемая Богоматерию, глад и жажду, хлад и зной, Поношение и гонение претерпевшая, Дар прозорливости и чудотворения от Бога получившая И под сенью Всемогущего упокоившаяся. Днесь же от славного тысящелетия Крещения Руси Церковь Русская прославляет тя, Яко благоуханный цвет. Предстояще на месте твоего погребения пред образом Твоим святым, яко живей ти, сущей с нами, Молимся ти: приими прошения наша и принеси я ко Престолу милосердаго Отца Небеснаго, Яко дерзновение к Нему имущая, Испроси притекающим к тебе вечное спасение, На благая дела и начинания наша щедрое Благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, Недостойных и грешных. Помози, святая блаженная мати Ксения, Младенцы светом святаго крещения озарити и печатию Дара Духа Святаго запечатлети, Юныя в вере, честности, богобоязненности и Целомудрии воспитати и успехи в учении им стяжати. Болящия и недугующия исцели, супругом любовь и Согласие ниспосли. Монашествующих подвигом добрым подвизатися помози и От поношения огради, пастыри в крепости духа Утверди, Церковь и страну нашу сохрани и всех Боголюбивых чад в предсмертный час причащения святых Христовых Тайн сподоби. Ты бо еси наше скорое услышание и избавление, Тебе благодарение воссылаем и с тобою славим Отца И Сына и Святаго Духа, ныне и присно и Во веки веков. Аминь".