Молитва Ксении Петербургской 2-ая

Святой блаженной Ксении Петербургской. Молитва вторая. О, препростая образом жития своего, Бездомная на земли, наследница же обителей Отца Небесного, блаженная страннице Ксения, Якоже прежде к надгробию твоему недужнии и скорбнии Припадавшии и абие утешениями исполняемии, Сице ныне и мы, обуреваемии тлетворными обстоянии к Тебе прибегающе, с надеждою просим: Помолися, благая небошественнице, Дабы исправилися стопы наша по словеси Господню к Деланию заповедей Его и да упразднится богоборное Безбожие, пленившее град твой и страну твою, Превергающее нас, многогрешных, В смертное братоненавидение, гордое самовозбешение и Хульное отчаяние. О, блаженнейшая, Христа ради посрамившая суемудрость Века сего! Испроси у Творца и Подателя всяческих Благ даровати нам смирения, кротости и любви в Сокровища сердца нашего, веры в укрепление молитвы, Надежды в покаянии, крепости в многотрудном житии, Милосердного исцеления души и тела нашего, Целомудрия в супружестве и благопочтения о ближних и Искренних своих, всего жития нашего обновления в Чистительной бане покаяния, яко да, Всехвально воспевающе память твою, Прославим в тебе чудодействующего Отца и Сына и Святаго Духа, Троицу Единосущную и Нераздельную во Веки веков. Аминь.