Молитва при детородном неплодстве святым Захарии и Елисавете

При детородном неплодстве. Молитва святому пророку Захарии и Елисавете. Тропарь, глас второй: "Праведных Твоих Захарии и Елисаветы, Господи, память празднующе, Теми молим Тя: спаси души наша". Тропарь, глас четвертый: "Священства одеждею Обложен, премудре, по закону Божию всесожжение Приятно, священнолепно приносил еси, Захарие, и был еси светильник и зритель тайных, Знамение в тебе благодати нося явственно, Всемудре, и мечем убиен быв в храме Божии, Христов пророче, с Предтечею моли спастися душам Нашим". Кондак, глас третий: "Пророк днесь и священник Вышняго Захария предложи, Предтечев родитель, Трапезу своея памяти, верныя питая: Питие бо правды всем растворив. Сего ради скончавается, яко Божественный тайник Божия благодати". Молитва: "О, святии угодницы Божии, Пророче Захарие и праведная Елисавета, Подвигом добрым подвизавшияся на земли, Восприяли есте на небесех венец правды, Егоже уготовал есть Господь всем любящим Его. Темже взирающе на святый ваш образ, Радуемся о преславнем скончании жительства вашего и Чтим святую память вашу. Вы же, предстоя Престолу Божию, Приимите моления наша ко всемилостивому Богу Принесите, о еже простити нам всякое прегрешение и Помощи нам стати противу кознем диавольским, Да избавльшеся от скорбей, болезней, Бед и напастей и всякаго зла, благочестно и праведно Поживем в нынешнем веце и сподобимся Предстательством вашим, аще и недостойни есмы, Видети благая на земли живых, славяще единаго во Святых Своих славимаго Бога, Отца и Сына и Святаго Духа, ныне и во веки веков. Аминь".