Молитвы беременной о благополучных родах и рождении здоровых детей

Молитвы беременных женщин о благополучном разрешении И о рождении здоровых детей. Молитва Пресвятой Богородице пред ее иконой Целительница. Тропарь глас первый: Любовию, Чистая Дево, Твою святую икону почитающим, И Божию Тя истинную Матерь прославляющим, И верно поклоняющимтися, Целительница, Явися, всякое зло и болезни от сих удаляющая, Яко Всемогущая. Молитва: Приими, о, Всеблагословенная и Всемощная Госпоже Владычице Богородице Дево, сия молитвы, Со слезами Тебе ныне приносимыя от нас, Недостойных раб Твоих, ко Твоему цельбоносному Образу пение возсылающих, со умилением, Яко Тебе Самой зде сущей и внемлющей молению нашему, По коемуждо бы прошению исполнение твориши, Скорби облегчаеши, немощным здравие даруеши, Расслабленныя и недужныя исцеляеши, От бесных бесы прогоняеши, обидимыя от обид Избавляеши, прокаженныя очищаеши и малыя дети Милуеши; еще же, Госпоже Владычице Богородице, И от уз и темниц свобождаеши, и всякия Многоразличныя страсти врачуеши: Вся бо суть возможна ходатайством Твоим к Сыну Твоему, Христу Богу нашему. О, Всепетая Мати, Пресвятая Богородице! Не престай молитися о нас, недостойных рабах Твоих, Славящих Тя и почитающих Тя, и поклоняющихся со Умилением пречистому образу Твоему, И надежду имущих невозвратну и веру несуменну к Тебе, Приснодеве Преславней и Непорочной, Ныне и присно и во веки веков. Аминь. Молитва Пресвятой Богородице перед иконой Скоропослушница. Тропарь глас четвертый: К Богородице притецем, сущия в бедах, И святей иконе Ея ныне припадем, С верою зовуще из глубины души: Скоре наше услыши моление, Дево, Яко Скоропослушница нарекшаяся, Тебе бо раби Твои в нуждах готовую Помощницу имамы. Кондак глас осмый: В море житейстем обуреваемии, Треволнению попадаем страстей и искушений; Подаждь убо нам, Госпоже, руку помощи, Якоже Петрови Сын Твой, и ускори от бед Избавити ны, да зовем Ти: радуйся, Всеблагая Скоропослушнице. Молитва: Преблагословенная Владычице Приснодево Богородице, Бога Слова паче всякого слова на спасение наше Рождшая и благодать Его преизобильно паче всех Приявшая, Море явльшаяся божественных дарований чудес, Приснотекущая река, изливающая благость всем, С верою к Тебе прибегающим! Чудотворному Твоему образу припадающе, Молимся Тебе, Всещедрей Матери Человеколюбиваго Владыки: удиви на нас пребогатыя милости Твоя и Прошения наша, приносимая Тебе, Скоропослушнице, ускори исполнити все, Еже на пользу во утешение и спасение коемуждо Устрояюще. Посети, Преблагая, рабы Твоя; благодатию Твоею Подаждь недугующим цельбу и совершенное здравие, Обуреваемым тишину, плененным свободу и различными Образы страждущих утеши; избави, Всемилостивая Госпоже, всяк град и страну от глада, Язвы, труса, потопа, огня, меча и иныя казни Временныя и вечныя, Матерним Твоим дерзновением Отвращающи гнев Божий; и душевнаго расслабления, Обуревания, страстей и грехопадений Свободи рабы Твоя, яко да непреткновенно во всяком Благочестии поживше, в сем веце и в будущем вечных Благ сподобимся благодатию и человеколюбием Сына Твоего и Бога, Емуже подобает всякая слава, Честь и поклонение со Безначальным Его Отцем и Пресвятым Духом, ныне и присно и во веки веков. Аминь. Преподобной Мелании Римляныне. Кондак глас третий: Девства чистоты возлюбльши и Обручника к благим Увещавши, премножество богатства расточи, В пребывании иночествующим, богоблаженная, Обители воздвиже. Темже в небесныя обители вселися, Поминай нас, Мелание всечестная.