Молитва Сергию Радонежскому

Молитва преподобному Сергию, игумену Радонежскому. О, священная главо, преподобне и богоносне отче наш Сергие, молитвою твоею и верою и любовью, Яже к Богу, и чистотою сердца еще на земли Во обитель Пресвятыя Троицы душу твою устройвый и Ангельскаго общения и Пресвятыя Богородицы посещения Сподобивыйся и дар чудодейственныя благодати Приемый, по отшествии же твоем от земных наипаче к Богу приближивыйся и небесныя силы приобщивыйся, Но и от нас духом любви своея не отступивый И честныя твоя мощи, яко сосуд благодати полный и Преизливающийся, нам оставивый! Велие имея дерзновение ко всемилостивому Владыце, Моли спасти рабы Его, сущия в тебе благодати Его Верующия и к тебе с любовью притекающия. Испроси нам от великодаровитого Бога нашего всякий Дар, всем и коемуждо благопотребен, Веры непорочны соблюдение, градов наших утверждение, Мира умирение, от глада и пагубы избавление, От нашествия иноплеменных сохранение, Скорбящим утешение, недугующим исцеление, Падшим возставление, заблуждшим на путь истины и Спасения возвращение, подвизающимся укрепление, Благоделающим в делах благих преспеяние и Благословение, младенцем воспитание, Юным наставление, неведущим вразумление, Сиротам и вдовицам заступление, Отходящим от сего временного жития к вечному благое Уготовление и напутствие, отшедшим блаженное Упокоение и вся ны с поспешествующими твоими Молитвами сподоби в день Страшнаго Суда шуия части Избавитися, десныя же страны общники быти и Блаженный оный глас Владыки Христа услышати: "Приидите, благословеннии Отца Моего, Наследуйте уготованное вам Царствие от сложения Мира." Амине.