Молитва святым Косме и Дамиану

Молитва бессребреникам Косме и Дамиану, Чудотворцам Асийским. Чудотворцы славные, врачеве безмезднии Космо и Дамиане! Вы от юности Христа Бога возлюбивше И Того повеления всем сердцем соблюдающе, Аще и вдасте себе учению врачебному, Но добродетельнаго ради жития и чистоты душевныя, Силою Христа Бога, не врачевания токмо искусство, Но паче неоскудную благодать исцеления всяких Недугов от Бога прияли есте, отнюдуже любовию и Милосердием к недугующим подвизаеми, Не токмо людям, но и скотом исцеления болезней Подаваете. Неисчетным множеством чудес ваших весь мир Наполняете и не телесные токмо недуги исцеляете, Но и верою Христовою души просвещаете, Терпении болезней укрепляете, в тяжких недузех о Исправлении жития вразумляете и ко Христу покаянием Привлекаете. Тем же ныне и нас, припадающих вам пред честною Иконою вашею, скоро услышите, юныя дети вашей Помощи во учении книжном просящия, Вашими молитвами наставите, да вашему житию Ревнующе, не земное точию научение приобрящут, Но паче во благочестии и правою вере выну преуспеют. На одре болезни лежащим, человеческия помощи Отчаянным, к вам же тепле, с верою и усердною Молитвою прибегающим, исцеление болезни вашим Милостивым чудодейственным посещением даруйте. Многожды в болезни впадающия и от лютых недугов в Уныние, малодушие и роптание пришедшия, Данною вам от Бога благодатию в терпении Утвердите и наставите, да уразумеют волю о Них Божию святую и благую и сами себе и Живот свой воле Христа Бога предают. В недузех сущих, о исправлении же жития не Радящих, во гресех не раскаивающихся, Сердцем ожесточенных, сокрушите во спасение и к Покаянию призовите, да немощни сущи телом, Здрави пребудут душею и причастницы соделаются Божией спасительной благодати. Братию святаго храма сего, вашему святому Заступлению от Бога врученную, И всех к вам усердно прибегающих невредимы сохраните От долгонедужния, от болезней лютых и неисцельных, От расслабления тела, от исступления ума, От смертоносной язвы, от внезапной смерти и Всеммощным ходатайством вашим к Богу соблюдите в Правой вере твердых, во благочестии преспевающих, В добрых делах усердных, в молитве к Богу прилежных, Да с вами вкупе сподобятся в будущем веце присно Воспевати и славити всесвятое и великолепое имя Отца и Сына и Святаго Духа во веки Веков. Аминь.