Молитва о потерянных детях Георгию Победоносцу

О потерянных детях. Молитва великомученику Георгию Победоносцу. Тропарь, глас четвертый: Яко пленных Свободитель и нищих защититель, Немощствующих врач, царей поборниче, Победоносче великомучениче Георгие, Моли Христа Бога спастися душам нашим. Ин тропарь, глас четвертый: Подвигом добрым Подвизался еси, страстотерпче Христов, Верою и мучителей обличил еси нечестие, Жертвы же благоприятна Богу принесл еси, Темже и венец приял еси победы и молитвами, Святе, твоими всем подаеши прегрешений прощение. Кондак, глас четвертый: Возделан от Бога показался еси благочестия делатель честнейший, Добродетели рукояти собрав себе: Сеяв бо в слезах, веселием жнеши, Страдальчествовав же кровию, Христа приял еси И молитвами, святе, твоими всем подаеши Прегрешений прощение. Молитва: Святый славный и всехвальный великомучениче Георгие! Собраннии в храме твоем и перед иконою твоею святою Поклоняющиися людие, молим тя, Известный желания нашего ходатаю, Моли с нами и о нас умоляемаго от своего Благоутробия Бога, да милостивно услышит нас, Просящих Его с благостынею, и не оставит вся наша Ко спасению и житию нужная прошения и дарует Стране нашей победу на сопротивные. И паки, припадающе, молим тя, святый Победоносче: Укрепи данною тебе благодатию во бранех православное Воинство, разруши силы восстающих врагов, Да постыдятся и посрамятся, и дерзость их да Сокрушится, и да увидят, яко мы имеем Божественную Помощь, и всем, в скорби и в обстоянии сущим, Многомощное яви свое заступление. Умоли Господа Бога, всея твари Создателя, Избавити нас от вечнаго мучения, Да прославляем Отца и Сына и Святаго Духа И твое исповедуем предстательство ныне и присно И во веки веков. Аминь.