Молитва о детях в печали где они находятся и живы ли

В печали о детях, где они находятся и живы Ли? Молитва всем святым и бесплотным Небесным силам. Боже святый и во святых почиваяй, Трисвятым гласом на небеси от ангел воспеваемый, На земли от человек во святых Своих хвалимый, Давый святым Твоим Духом коемуждо благодать по мере Дарования Христова и тою поставивый Церкви Твоей Святей овы апостолы, овы пророки, Овы же благовестники, овы пастыри и учители, Ихже словом проповеди, Тебе Самому действующему Вся во всех, мнози совершишася, Святии во коемуждо роде и роде, Различными благодетельми благоугодившии Тебе и к Тебе нам образ добрых подвигов своих оставивше, В радости прешедшии готови, в немже сами искушени Быша, и нам напаствуемым помогати. Сих святых всех вспоминая и их Богоугодное похваляя житие, Тебе Самаго, В них действовавшаго, восхваляю, И о них благотворения Твоя дарования быти веруя, Прилежно молю Тя, Святе святых, Даждь ми, грешному, последовати их учению, Паче же Твоею вседействующею благодатию Небесныя С ними сподобитися славы, хваляще Пресвятое имя Твое, Отца и Сына и Святаго Духа, Во веки веков. Аминь.