Молитва при нарушении сна у младенцев (Семи открокам яже во Ефесе)

При нарушении сна у младенцев. Молитва святым семи отрокам в Ефесе. Тропарь, глас восьмый: Благочестия проповедники и воскресения умерших Изобразители, Церкви столпы седьмочисленныя, Отроки всеблаженные, песньми восхвалим. Ти бо по многих летех нетления, Аки от сна восставше, всем возвестиша Яве мертвых востание. Кондак, глас четвертый: Прославивый на земли святыя Твоя прежде Второго и страшного пришествия Твоего, Христе, преславным востанием отроков показал еси Воскресение не ведущим е, нетленно одеяния и Телеса явив, и царя уверил еси вопити: Воистину есть мертвых востание! Молитва: О, пречуднии святии седьмочисленнии отроцы, Ефеса града похвало и всея вселенныя Упование! Воззрите с высоты небесныя славы на ны, Любовию память вашу чтущия, наипаче же на младенцы Христианския, вашему заступлению от родителей Своих препорученныя! Низведите на ня благословение Христа Бога, Рекшаго: оставите детей приходити ко Мне. Болящия убо от них исцелите, скорбящия Утешите, сердца их в чистоте соблюдите, Кротостию исполните я и в земли сердец их зерно Исповедания Божия насадите и укрепите, Во еже от силы в силу им возрастати. И всех нас, святей иконе вашей предстоящих, Мощи же ваша с верою лобызающих и тепло вам Молящихся сподобите, Царствие Небесное улучити И немолчными гласы радования тамо прославляти Великолепое имя Пресвятыя Троицы, Отца и Сына и Святаго Духа, во веки Веков. Аминь.