Молитва 2-ая о покровительстве детям прав. Симеону Богоприимцу

Молитва вторая. О, великий угодниче Божий, богоприимче Симеоне! Предстоя Престолу Великаго Царя и Бога нашего Иисуса Христа, велие дерзновение имеши к Нему во объятиях Твоих нашего ради спасения носитися изволившему. К тебе убо, яко многомощному предстателю и крепкому О нас молитвеннику, прибегаем мы, Грешнии и недостойнии, моли благость Его, Яко да отвратит от нас гнев Свой, Праведно по делом нашим на ны движимый, И презрев безчисленная прегрешения наша, Обратит нас на путь покаяния и на стезе заповедей Своих утвердит нас. Огради молитвами твоими в мире живот наш и во Всем благое поспешение испроси, Вся, яже к животу и благочестию потребная нам, Даруя, якоже древле Великий Новгород явлением Чудотворныя иконы твоея от губительства смертнаго Избавил еси, тако и ныне нас и вся грады И веси страны нашея от всяких напастей и бед И напрасныя смерти предстательством твоим избави и От всех враг видимых и невидимых покровом твоим Защити, яко да тихое и безмолвное житие поживем Во всяком благочестии и чистоте, И тако в мире временное сие житие прешедше, В вечный достигнем покой, идеже сподобимся Небеснаго Царствия Христа Бога нашего, Емуже всякая слава подобает со Отцем и Пресвятым Его Духом, ныне и присно и во веки веков. Аминь.