Молитва о покровительстве детям прав. Симеону Богоприимцу

Молитва праведному Симеону Богоприимцу. Тропарь, глас четвертый. Симеон Старец днесь веселится, Восприят на руку свою Младенца Превечнаго Бога, От уз плоти разрешитися прося и вопия: Видеста очи мои спасение Твое Мирови. Кондак, глас четвертый. Старец днесь отрешитися от уз моляшеся Сего жития тленнаго, Христа восприят на руки, Зиждителя и Господа. Молитва. О, великий угодниче Божий и Богоприимче Симеоне! Призри на мя, грешнаго, ко святей иконе твоей Припадающа и просяща твоего заступления и помощи. Скорбь бо одержит мя от обстоящих мя ныне Бед и зол и утешения не имам многоболезненней Души моей. Исках помощи от человек, и не обретеся. Возопиях ко Господу, и не услыша мя. Аз прогневах пречистую благость Его беззаконьми Моими и множеством многих грехов моих преогорчих Человеколюбную утробу Его. И кто ми ныне помощь явит? Кто ми скорбь утолит? Кто даст отраду и успокоение многомятежной душе Моей? К тебе, великий угодниче Божий, Прибегаю, грешный и недостойный аз, Ведый, яко велие дерзновение имаше ко Христу Богу и многомощен предстатель еси о всех с верою Тебе прибегающих и твоего заступления и помощи Требующих. Моли убо Человеколюбца Господа, Яко да простив ми бесчисленная моя прегрешения, Не отвратит милость Свою от мене, Но яко благ и сострадателен явит и мне бесконечное Свое милосердие, и в лютем напастей и бед моих Озлоблении подаст ми всесильную помощь Свою, И преогорченной душе моей ослабу, Мир, укрепление, утешение и успокоение дарует Ей, великий угодниче Божий. Вознеси богоносныя руце твоя ко Иже во Объятиях твоих носитися изволившему Христу Богу и Нашему и моли благость Его, да не отринет моления Сердца моего недостоинства ради моего, Но явит мне благовременне милость Свою во славу Бесконечных щедрот Своих и многомощного Предстательства твоего, о немже подобает Ему всякая Слава и благодарение купно со Отцем и Пресвятым Его Духом, ныне и присно и во веки веков. Аминь.