Молитва при женском недомогании святому Давиду Гареджийскому

При женском недомогании. Молитва преподобному Давиду Гареджийскому. Тропарь, глас восьмый. След твоих теченьми пустыни бесплодное возделал еси И иже из глубины воздыханьми во сто трудов Уплодоносил еси и был еси светильник вселенней. Сияю чудесы, Давиде, отче наш, Моли Христа Бога спастися душам нашим. Кондак, глас восьмый. От Сирийских источников восшел еси, Звездо пресветлая, и пустыню Гареджийскую сиянием Духа озарил еси, яко пришествием своим Иноческий рай соделал еси, произрастив в пустыни Словесный вертоград. Сего ради не оставляй хранити его, Давиде возлюбленный. Молитва. О, всесветле, богохвальне авва Давиде, Святче Божий! Ты силою Благаго Законоположителя явился еси нам, Кознями лукавого связанным и обуреваемым, Яко наставник в покаянии и помощник в молитве. Того ради дано тебе много даров благодати и Чудотворения, разрешение грехов наших и прегрешений Оставление, болезни исцеление и диавольских наветов Отгнание. Темже твоею отеческою милостию, В богоцарственном разумении, многотрудными молитвами И моленьми твоими, наипаче же непрестанным Твоим заступлением о нас, да возставит Господь Бог ны, во грех впадшия, силою Своею Непобедимою на всякого видимого и невидимого врага, Дабы, благодаряще совершая святую память твою, Желанием возжелали мы покланятися Превечному Богу, в Троице Единому, Отцу и Сыну и Святому Духу, ныне и присно и во веки веков. Аминь.