Молитва об устранении семейных неурядиц мчч. Гурию, Самону и Авиву

Об устранении семейных неурядиц. Молитва мученикам и исповедникам Гурию, Самону и Авиву. О, преславные мученицы Гурий, Самоне и Авиве! К вам яко скорым помощникам и теплым Молитвенникам мы немощнии и недостойнии Прибегаем, усердно моляще не презрети ны, Во многая беззакония впадшия и по вся дни и Часы согрешающия, наставити на путь правый Заблуждшия, исцелити страждущия и скорбящия, Соблюсти ны в непорочнем и целомудренном житии И якоже древле, тако и ныне покровители супружества Пребудете, в любви и единомыслии, Сия утверждающе и от всех злых и бедственных Обстояний избавляюще, защитите, О многомощные исповедницы, вся православныя Христианы от напастей и злых человек и козней Демонских, оградите я от нечаянныя смерти, Умоляюще Всеблагаго Господа, да великия и Богатыя милости нам, смиренным рабом Своим, Прибавит. Несьмы бо достойни нечистыми устнами Призывати великолепое имя Создателя нашего, Аще не вы, святии мученицы, за ны ходатаи будете. Сего ради к вам прибегаем и предстательства вашего Пред Господем о нас просим. Такожде избавите нас от глада, Потопа, огня, меча, нашествия иноплеменных, Междоусобныя брани, смертоносныя язвы и всякаго Душепагубнаго обстояния. Ей, страстотерпцы Христовы, устройте нам молитвами Вашими вся благая и полезная, да благочестно житие Временное прешедше и кончину непостыдну стяжавше, Удостоимся теплым заступлением вашим со всеми Святыми одесную Правосуднаго Бога Судии стати и Того Непрестанно славити со Отцем и Святым Духом Во веки веков. Аминь.