Молитва о скором возвращении супруга из дальней отлучки

О скором возвращении супруга из дальней отлучки. Молитва сорока мученикам Севастийским. Тропарь, глас третий: Страстотерпцы Христовы, Четыредесяте, во граде Севастийстем мужественно Пострадавшие, чрез огнь и воду прошедшие, В покой вечный вшедшие, молитеся о нас ко Господу, Да жизнь мирну сохранит и души наша спасет, Яко Человеколюбец. Кондак, глас шестый: Все воинство мира оставльше, На небесех Владыце прилепистеся, Страстотерпцы Господни четыредесят: Сквозе огнь бо и воду прошедше, Блаженнии, достойно восприясте славу с небес И венцев множество. Молитва: О святии славнии страстотерпцы Христовы, четыредесяте, во граде Севастии Христа Ради мужественно пострадавшии, Чрез огнь бо и воду проидосте и, Яко друзи Христовы, в покой Небеснаго Царствия Вшедше, имате велие дерзновение ко Пресвятей Троице ходатайствовати о роде христианском, Наипаче же о почитающих святую память вашу и с Верою и любовию вас призывающих. Испросите у Всещедрого Бога прощение согрешений Наших и жития нашего исправление, Да в покаянии и нелицемерной любви друг ко другу Поживше, со дерзновением предстанем Страшному судищу Христову и вашим предстательством одесную Праведного Судии предстанем. Ей, угодницы Божии, будите нам защитницы от Всех враг, видимых и невидимых, Да под кровом святых ваших молитв избавимся от всех Бед, зол и напастей до последняго дне жизни нашея И тако прославим великое и достопоклоняемое имя Вседетельной Троицы, Отца, Сына и Святаго Духа, Ныне и присно и во веки веков. Аминь.